عالىمدار اركتيكانىڭ بىردەن جىلىنىپ كەتۋىنىڭ سەبەبىن انىقتادى

اركتيكانىڭ جىلىنۋى الەمنىڭ قالعان بولىگىنە قاراعاندا ءتورت ەسە جىلدام ورىن الۋدا دەپ حابارلايدى Almaty-akshamy.kz BAQ.KZ-كە سىلتەمە جاساپ.
لوس-الاموسس ۇلتتىق زەرتحاناسىنىڭ عالىمدارى وسىنداي مالىمدەمە جاسادى دەپ جازادى Lenta.ru.
زەرتتەۋشىلەردىڭ Geophysical Research Letters جۋرنالىندا جاريالانعان ماقالاسىندا 1970-2000 جىلدارى اركتيكالىق امپليفيكاسيانىڭ ورتاشا جىلدىق يندەكسى 2 مەن 3ء-تىڭ ارالىعىندا بولعان. سول كەزدىڭ وزىندە اركتيكالىق ءوڭىردىڭ كليماتى جاھاندىق جىلىنۋعا ەكى-ۇش ەسە سەزىمتالدىق تانىتقان. ال 1986 جانە 1999 جىلدارى جەر ۇستىندەگى اۋا تەمپەراتۋراسى تۇراقتى بولىپ قالسا، اركتيكادا كەرىسىنشە، وسە تۇسكەن.
وعان تەڭىز مۇزىنىڭ ەرۋى مەن اتموسفەراداعى سۋ بۋىنىڭ قۇرامى اراسىنداعى كەرى بايلانىس اسەر ەتۋى مۇمكىن. سونداي-اق اتلانتيكادان اركتيكاعا اتموسفەرالىق جانە مۇحيتتىق جىلۋدىڭ اۋىسۋى دا ىقتيمال ەتۋى ىقتيمال. 
عالىمداردىڭ سوزىنشە، العاشقى وزگەرىستەرگە الىپ كەلگەن ۇلگىلەر بولاشاقتاعى كليماتتىق بولجام ءۇشىن جارايتىنىن ايتادى. ادەتتە كليماتولوگتار جەكە بولجام جاساۋدىڭ جالپى ناتيجەسى كليماتتىق ۇلگىلەردىڭ ناتيجەسىنىڭ ورتاشا قورىتىندىسىن الادى. الايدا بۇل جاعدايدا ونداي قادامعا بارۋ كەلەشەكتە كليماتقا ايتارلىقتاي ىقپال ەتەتىن قۇبىلىستى نازاردان تىس قالدىرۋعا اكەلۋى مۇمكىندىگىن ەسكەرتتى.