ادامزات 2030 جىلعا قاراي اشتىقپەن كۇرەستە جەڭىپ شىعۋ مەجەسىنەن الىستاپ بارادى. بۇل تۋرالى بۇۇ «الەمدەگى ازىق-تۇلىك قاۋىپسىزدىگى مەن تاماقتانۋ سالاسىنداعى ىستەردىڭ قاعيدالارى 2022» اتتى جاڭا بايانداماسىندا مالىمدەدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
بىلتىر ازىق-تۇلىك تاپشىلىعىنان زارداپ شەككەن ادامداردىڭ سانى 46 ملن-عا ۇلعايىپ، 828 ملن ادامعا جەتكەن. ەگەر پاندەميا باستالعانعا دەيىن اشتىقتىڭ زاردابىن تارتقانداردىڭ قاتارى تاعى دا 150 ملن ادامعا تولىققان.
ساراپشىلار ازىق-تۇلىك سەبەتىنىڭ قۇنى مەن دۇنيە ءجۇزىنىڭ تۇكپىر-تۇكپىرىندەگى تۇرعىنداردىڭ ەمدامگە قولجەتىمدىلىگىن ەسەپتەي كەلە، اشتىقپەن كۇرەستە جەىڭستىڭ اۋىلى الىستاپ بارا جاتقانىن بولجاپ وتىر.
ۇيىم جەر بەتىنىڭ 2،3 ملرد تۇرعىنىنىڭ ۇشتەن ءبىر بولىگى قانداي دا ءبىر دەڭگەيدە ازىق-تۇلىكتىڭ جەتكىلىكسىزدىگىمەن بەتپە-بەت كەلەتىندىگىن ايتتى. بۇل كوروناۆيرۋس پاندەمياسى باستالعانعا دەيىنگى ەسەپپەن سالىستىرعاندا 350 ملن ادامعا كوپ. 924 ملن ادام ازىق-تۇلىك جەتىسپەۋشىلىگىن قاتتى سەزىنۋدە. اشتىقتىڭ تاۋقىمەتىن تارتىپ جۇرگەندەر اراسىندا ەرلەرگە قاراعاندا ايەلدەر باسىم. ال 5 جاسقا تولماعان 45 ملن بالا سوزىلمالى اشتىقتىڭ ەڭ اۋىر سالدارىن باستان كەشىپ جاتىر. بۇل بالا ءولىمى قاتەرىن 12 ەسەگە كوبەيتتى.