توتەنشە جاعداي رەجيمى جۇمىس ىستەپ تۇر
قاراقالپاقستاندا توتەنشە جاعداي رەجيمىنىڭ جاريالانۋىنا بايلانىستى ەلدەن شىعا الماي قالعان قازاقستاندىقتار ءۇشىن جەدەل شتاب قۇرىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ. ءور ءىىم Telegram كانالىندا جاريالانعانداي، ۆەدومستۆونىڭ مالىمەتىنشە، قازاقستاندىقتار مىنا تەلەفون نومىرلەرىنە حابارلاسا الادى: +9989 61 2248206، +998993858644. بايلانىس جەلىسى 7 كۇن بويى 24 ساعات جۇمىس ىستەيدى. كەلەسى مەكەنجايدا ورنالاسقان شتابقا بارۋعا دا بولادى: نۇكىس قالاسى، پۋشكين كوشەسى، 22ا. قاراقالپاقستانداعى توتەنشە جاعداي رەجيمى 3 شىلدە باستالدى، 2 تامىزعا دەيىن جالعاسادى. بۇعان دەيىن وزبەكستان مەن قازاقستان شەكاراسىنداعى «داۋت-اتا» - «تاجەن» پۋنكتىندە ادامداردى، كولىك قۇرالدارى مەن جۇكتەردى وتكىزۋ ۋاقىتشا توقتاتىلعانى حابارلانعان بولاتىن. وسىعان بايلانىستى 80-گە جۋىق قازاقستاندىق بىرنەشە كۇن بويى وزبەكستاننان شىعا الماي جاتىر.