زەرتتەۋ ناتيجەسى بويىنشا كومىرتەكتى نانوۇنتاق قوسپاسى ەنگىزىلگەن.
الماتىدا اسفالتبەتوندى جابىننىڭ جوعارعى قاباتىنا كومىرتەكتى نانوۇنتاق قوسىلعان تاجىريبەلىك الاڭ سالىندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
الماتى قالاسىندا تولە بي كوشەسىنىڭ بويىندا (وتەگەن باتىر مەن ساين كوشەلەرىنىڭ ارالىعى) قازجولعزي ماماندارى اسفالتبەتوندى جابىننىڭ جوعارعى قاباتىنا كومىرتەكتى نانوۇنتاق قوسىلعان تاجىريبەلىك الاڭ (ۇزىندىعى - شامامەن 100 م) سالدى.
«قازاقستان جول عىلىمي-زەرتتەۋ ينستيتۋتى» اق مالىمەتىنشە، بۇل جۇمىس «جول اكتيۆتەرىنىڭ ۇلتتىق ساپا ورتالىعىمەن جاسالعان «نورماتيۆتىك -تەحنيكالىق بازانى جەتىلدىرۋ بولىگىندە جول قىزمەتىن باسقارۋ بويىنشا جۇمىستار» كەلىسىمى اياسىندا جۇرگىزىلىپ جاتىر.
«نەگىزگى ماقسات - تاجىريبەلىك-ەكسپەريمەنتتى زەرتتەۋ ناتيجەسى بويىنشا كومىرتەكتى نانوۇنتاق قوسپاسىن ەنگىزۋ ارقىلى جول بيتۋمى مەن اسفالتبەتوننىڭ تەحنيكالىق سيپاتتامالارىن جاقسارتۋ»،- دەلىنگەن رەسمي حابارلامادا.
ايتا كەتەيىك، كومىرتەكتى نانوۇنتاق قوسىلعان بيتۋم مەن اسفالتبەتون ءوندىرىسى «اسفالتبەتون-1» ج ش س بازاسىندا جاسالعان.