دەرتتى ورتا جاستاعى ايەل جەڭىپ شىققان.
دارىگەرلەر كىندىك قانىنىڭ ترانسپلانتاسياسى ارقىلى ايەلدى ۆيچ-تان ەمدەپ شىقتى. بۇل جاعداي تۋرالى ماماندار اقش-تىڭ دەنۆەر قالاسىندا رەتروۆيرۋستار مەن وپپورتۋنيستىك ينفەكسيالارعا ارنالعان كونفەرەنسيادا ايتتى، دەپ حابارلايدى Almaty-akshamy.kz Interfax.ru سىلتەمە جاساپ.
The New York Times باسىلىمىنىڭ مالىمەتىنشە، ايەلدە اق قان اۋرۋى دا بولعان. 2017 جىلى قاتەرلى ىسىك اۋرۋىن ەمدەۋ ءۇشىن ول ادامنىڭ يممۋنيتەت تاپشىلىعى ۆيرۋسىنىڭ (ايتۆ) جاسۋشالارعا ەنۋىن بلوكتايتىن مۋتاسيامەن جارتىلاي ۇيلەسىمدى دونوردان كىندىك قانىن اۋىستىرىپ قۇيعان. سونداي-اق ول ترانسپلانتاسيا ساۋىعۋ كەزىندە يممۋندىق قورعانىس بەرۋ ءۇشىن جاقىن تۋىسىنان قان قۇيدى، بۇل شارا شامامەن التى اپتاعا سوزىلعان.
ناۋقاس ترانسپلانتاسيادان كەيىن، ياعني 37 ايدان كەيىن انتيرەتروۆيرۋستىق ەم قابىلداۋىن توقتاتقان. 14 ايدان استام ۋاقىت وتكەن سوڭ، ونىڭ قان اناليزىندە ايتۆ-نىڭ دالەلى جوق بولىپ شىققان جانە ۆيرۋسقا انتيدەنەلەر انىقتالماعان.
ايەلدىڭ ورتا جاستاعى ادام ەكەنى بەلگىلى جانە ول ارالاس ناسىلدەن بولىپ كەلەدى.
بۇدان بۇرىن ايتۆ-ينفەكسياسىن جۇقتىرعان ناۋقاستاردى ەمدەۋ بارىسىندا قاتەرلى ىسىك دياگنوزى قويىلعان ەر ادامدارعا ايتۆ-ينفەكسياسىن بلوكتايتىن مۋتاسياعا يە دونورلاردان سۇيەك كەمىگىن اۋىستىرىپ سالىنعان بولاتىن ولار اۋىر جاناما اسەرلەرگە تاپ بولعان، سەبەبى ترانسپلانتاتقا قارسى اۋرۋ پايدا بولدى، ويتكەنى بۇل پروسەدۋرا ءۇشىن ۇيلەسىمدى دونور تابۋ وتە قيىن.
ۆيچ-تەن ايىققان ءبىرىنشى ادام - «بەرليندىك پاسيەنت» اتانىپ كەلگەن تيموتي رەي براۋن 2020 جىلى لەيكوزدىڭ قايتالانۋىنان قايتىس بولدى. 2011 جىلى ەمدەلگەن ۋاقىتتان قايتىس بولعانعا دەيىن ونىڭ تالداۋلارىندا ۆيچ ىندەتى بولعان جوق.
ايتۆ-نى سۇيەك كەمىگىن اۋىستىرۋ ارقىلى جەڭگەن تاعى ءبىر ناۋقاس لوندوندىق ادام كاستيلەحو بولدى.