مادەنيەت جانە سپورت ءمينيسترى اق وليمپيادادان كەيىن كادرلىق وزگەرىستەر بولۋى مۇمكىن ەكەنىن جاسىرمادى
مۇنداي پىكىر بەيجىڭدەگى قىسقى وليمپيادا ويىندارىنداعى وتاندىق سپورتشىلارىمىزدىڭ ونەرىنە قاتىستى تىلشىلەردىڭ ۆەدومستۆو باسشىسىنان پىكىر ءبىلدىرۋىن سۇراعاننان كەيىن ايتىلدى، دەپ حابارلايدى Almaty-akshamy.kz.
ۆەدومستۆو باسشىسى اق وليمپيادا اياقتالعان سوڭ كادرلىق وزگەرىستەر ورىن الۋى مۇمكىن ەكەندىگىن العا تارتتى.
«وليمپيادا اياقتالا سالىسىمەن، بۋرابايعا بارىپ، بەيجىڭدەگى قىسقى وليمپيادا ويىندارىنىڭ قورىتىندىسى بويىنشا اۋقىمدى كوشپەلى جينالىس وتكىزەتىن بولامىز. قىسقى وليمپيادانىڭ قورىتىندىسى بويىنشا بەلگىلى ءبىر كادرلىق وزگەرىستەر دە ورىن الادى دەپ ويلايمىن»، - دەدى داۋرەن ابايەۆ.