عالىمدار ادامزات الدىندا تۇرعان جاھاندىق ماسەلەنى ايتتى

عالىم گەنسبيتتەل: 30 جىلدان كەيىن ادامزاتقا اقۋىز ەكى ەسە كوپ قاجەت بولادى

جەر شارىندا 2050 جىلعا قاراي حالىق سانى 9 ميللياردقا دەيىن ارتادى، وسىنشا كولەمدەگى ادامدى ازىقتاندىرۋ ءۇشىن اقۋىز ەكى ەسە قاجەت بولادى، دەپ مالىمدەدى سكولكوۆسكيي اتىنداعى عىلىم ءجان تەحنولوگيالار ينستيتۋتىنىڭ پروفەسسورى لوران گەنسبيتتەل. بۇل تۋرالى ريا-نوۆوستي سايتىندا جاريالاندى، دەپ حابارلايدى Almaty-akshamy.kz ءتىلشىسى.

اقۋىزدىڭ جەتىسپەۋشىلىگى – بۇل بولاشاقتىڭ پروبلەماسى. بۇل ماسەلەنىڭ شەشۋ ءۇشىن عالىمدار ىزدەنىس ۇستىندە. ولار اقۋىزدى شىبىن-شىركەيلەردىڭ نەگىزىندە نەمەسە وسىمدىكتەردىڭ ونىمدىلىگىن ارتتىرۋ ارقىلى الۋ ءۇشىن ەڭبەكتەنۋدە.

 «2050 جىلعا قاراي ادامزاتقا اقۋىز ءوندىرىسىن ەكى ەسە ءوسىرۋ قاجەت بولادى. بولجامدارعا سايكەس، 2050 جىلعا قاراي جەر بەتىندەگى حالىق سانى 9 ميللياردقا جەتەدى جانە تاماق ءۇشىن اقۋىز ەكى ەسە كوپ قاجەت بولادى»، - دەدى گەنسبيتتەل.

عالىمنىڭ ايتۋىنشا، ەۋروپادا ادامدار بيداي جانە جاسىمىقتى پايدالانۋى داستۇرگە اينالعان. ءبىراق باسقا ايماقتاردا، مىسالى، وڭتۇستىك ازيا نەمەسە افريكادا ادامدار نەگىزىنەن كۇرىش پەن نوقات جەيدى. نوقات – بۇل ەلدەردە اقۋىزدىڭ نەگىزگى كوزى.