الماتى قالاسى ەكولوگيا جانە قورشاعان ورتا باسقارماسى باسشىسىنىڭ ورىنباسارى ۇلان ابدۋلدايەۆ گاگارين داڭعىلىنداعى اعاشتاردى كەسۋگە قاتىستى تۇسىنىك بەردى، دەپ حابارلايدى Almaty-akshamy.kz.
«الماتى قالاسىنىڭ ەكولوگيا جانە قورشاعان ورتا باسقارماسى گاگارين داڭعىلى، 80 مەكەنجايى بويىنشا اعاشتاردى كەسۋگە رۇقسات بەرگەن جوق.
وسى فاكت بويىنشا الماتى قالاسى پد جپق قىزمەتكەرلەرىمەن بىرلەسىپ ورىنعا بارۋ ۇيىمداستىرىلدى. تەكسەرۋ بارىسىندا تەرەك ءتۇرىنىڭ 3 دانا كولەمىندەگى اعاشتاردىڭ ءتاجىن كەسۋ فاكتىسى انىقتالدى»،-دەدى ابدۋلدايەۆ.
اتالعان فاكتى بويىنشا ق ر اقبتك-نىڭ 386-بابى بويىنشا اكىمشىلىك حاتتاما تولتىرىلىپ، 150 دانا جاپىراقتى اعاشتاردى وتەمدىك وتىرعىزۋ بويىنشا كەپىلدىك مىندەتتەمە الىنادى.
سونىمەن قاتار ول اعاشتاردى كەسۋگە تاپسىرىس بەرۋشى: جوعارىدا كورسەتىلگەن مەكەنجايداعى «مەديسينالىق ورتالىقتىڭ قۇرىلىسىن» جۇزەگە اسىرۋشى ازامات بەكمۋسايەۆ ب.ك. ەكەنىن جەتكىزدى.