الماتىداعى گاگارين داڭعىلىنداعى ۋچاسكەدە جىلۋ جەلىلەرىن قايتا قۇرۋ بويىنشا قۇرىلىس-مونتاج جۇمىستارى اياقتالدى. مۇندا اسفالتبەتون جابىنى توسەلىپ، كولىك قوزعالىسى قايتا اشىلدى، دەپ حابارلايدى Almaty-akshamy.kz
«الماتى جىلۋ جەلىلەرى» ج ش س حابارلاعانداي، بيىل 29 ماۋسىمىنان باستاپ بوستاندىق اۋدانىندا تم 1 جىلۋ جەلىلەرىن قوجانوۆ كوشەسىندەگى تك 1-6-دان ورتالىق جىلۋ تاراتۋ پۋنكتىنە دەيىن، گاگارين داڭعىلىنىڭ بويىندا قوجانوۆ كوشەسىنەن ەسقارايەۆ كوشەسىنە دەيىن قايتا جاڭارتۋ جۇمىستارى جۇرگىزىلىپ جاتىر.
قازىرگى ۋاقىتتا ەسقارايەۆ كوشەسىندە قۇرىلىس-مونتاج جۇمىستارى جۇرگىزىلۋدە. جىلۋ جەلىلەرىنىڭ بۇل ۋچاسكەسى قولدانىستاعى قۇبىردىڭ قوجانوۆ كوشەسى بويىمەن وتۋىنە بايلانىستى جىلۋ ماۋسىمىنىڭ دايىندىعىنا اسەر ەتپەيدى. جۇمىس بيىل قاراشا ايىندا اياقتالادى. بيىل 548،7 م توسەلدى، كەلەسى جىلعا تاعى دا وسىنشا كولەم جوسپارلانعان.
جۇرگىزىلىپ جاتقان قايتا قۇرۋدىڭ ماقساتى - تم 1 قالالىق جىلۋ ماگيسترالىنىڭ فيزيكالىق توزۋىنا بايلانىستى ونىڭ جۇمىسىن جاقسارتۋ. بۇل قالانىڭ جوعارىدا اتالعان كوشەلەرىنىڭ اۋماعىندا ورنالاسقان 19 كوپپاتەرلى ءۇيدىڭ، 2 بالاباقشانىڭ جانە 39 باسقا نىساننىڭ تۇرعىندارىن جىلۋمەن قامتاماسىز ەتۋگە مۇمكىندىك بەرەدى.
ەستەرىڭىزگە سالا كەتەيىك، بيىلعى جىلۋارالىق كەزەڭدە الماتىدا 17،7 كم جىلۋمەن جابدىقتاۋ جەلىلەرى، 120 كم ەلەكترمەن جابدىقتاۋ، 43 كم سۋمەن جابدىقتاۋ، 29 كم گازبەن جابدىقتاۋ قايتا جاڭارتىلىپ، جوندەلىپ جاتىر.