پرەزيدەنت حالىقارالىق ەكولوگيالىق ىنتىماقتاستىق جونىندەگى ارناۋلى وكىل ءزۇلفيا سۇلەيمەنوۆانى قابىلدادى، دەپ حابارلايدى Almaty-akshamy.kz
قاسىم-جومارت توقايەۆ قازاقستان رەسپۋبليكاسى پرەزيدەنتىنىڭ كەڭەسشىسى – پرەزيدەنتتىڭ حالىقارالىق ەكولوگيالىق ىنتىماقتاستىق جونىندەگى ارناۋلى وكىلى ءزۇلفيا سۇلەيمەنوۆانى قابىلدادى.
كەزدەسۋ بارىسىندا مەملەكەت باسشىسى ارناۋلى وكىلگە الداعى شارالارعا، اتاپ ايتقاندا بيىل قاراشا ايىنا جوسپارلانعان كليماتتىڭ وزگەرۋi ءجونiندەگi بۇۇ نەگiزگi كونۆەنسياسىنا قاتىسۋشى تاراپتاردىڭ 28-كونفەرەنسياسىنا جانە 2026 جىلى بۇۇ اياسىندا وتەتىن ايماقتىق كليماتتىق سامميتكە دايىندىق جونىندە ءبىرقاتار ناقتى مىندەت جۇكتەدى.
سونداي-اق پرەزيدەنت شەتەلدىك سەرىكتەستەرمەن اراداعى ىقپالداستىقتى، سونىڭ ىشىندە ەكونوميكانى دەكاربونيزاسيالاۋ جانە اۋاعا تارالاتىن مەتان مولشەرىن ازايتۋ باعىتتارى بويىنشا ىنتىماقتاستىقتى نىعايتۋ ماڭىزدى ەكەنىن اتاپ ءوتتى.