فۋتزالدان ۇلتتىق قۇراما ەكىنشى تۋردان كەيىن-اق پلەي-وففقا شىقتى
جارىس ەرەجەسى بويىنشا توپتاعى ۇزدىك ەكى كوماندا پلەي-وففقا تىكەلەي جولداما الادى. سونداي-اق تاعى 4 قۇراما ناتيجەسىنە قاراي ءۇشىنشى ورىن العان كوماندالار اراسىنان ىرىكتەلەدى، دەپ حابارلايدى aqshamnews.kz.
4 ۇپايى بار وتانداستارىمىز جاڭا زەلاندياعا قارسى ويىندا قانداي ەسەپ تىركەلسە دە، 1/8 فينالعا ايقىن شىعىپ تۇر. ءۇشىنشى ورىننان تومەن سىرعىمايدى. سەبەبى ءقازىر ءۇشىنشى ورىندا تۇرعان ءۇش كوماندادا عانا ۇپاي بار. ال ءتورتىنشى قۇراما 4 ۇپاي جيناپ ۇلگەرمەيدى.
1/8 فينالعا قازاقستاننان بولەك، ارگەنتينا، برازيليا، يران، يسپانيا، ماروككو، پاراگۆاي، پورتۋگاليا، تايلاند جانە فرانسيا قۇرامالارى شىعىپ ۇلگەردى.
ايتا كەتۋ كەرەك، 21 قىركۇيەكتە ساعات 17:30-دا قازاقستان قۇراماسى جاڭا زەلانديا قۇراماسىنا قارسى ويىن وتكىزەدى.
ويىن تاشكەنتتەگى «حۋمو ارەنا» سپورت كەشەنىندە وتەتىن بولادى.
بۇعان دەيىن الەم چەمپيوناتىندا ۇزدىكتەر قاتارىنا ەنگەن قازاقستان قۇراماسىنا وزبەك جانكۇيەرلەرىنىڭ نەگە بۇيرەكتەرى بۇرىپ قالعانى جايىندا ءسوز قوزعاعان بولاتىنبىز.