جۇك ۆاگوندارىن كەدەرگىسىز جانە جەدەل جەتكىزگەنى ءۇشىن پارا العان
2022 جىلعى 3 قازاندا قوستاناي قالاسىنىڭ №2 سوتى «قازتەمىرترانس» اق قوستاناي فيليالىنىڭ ديرەكتورى ب. ۋسابەكوۆ پەن «ۆاديسا م» ج ش س ديرەكتورى س. تايروۆقا قاتىستى ايىپتاۋ ۇكىمىن شىعاردى، دەپ حابارلايدى Almaty-akshamy.kz.
جوعارىدا اتالعان تۇلعالار جۇك ۆاگوندارىن كەدەرگىسىز جانە جەدەل جەتكىزگەنى ءۇشىن پارا الدى، بەردى دەپ ايىپتالدى.
بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى مالىمدەدى.
سوت ۇكىمىمەن ۋسابەكوۆكە ورتاشا قاۋىپسىزدىك مەكەمەسىندە 6 جىلعا باس بوستاندىعىنان ايىرۋ جازاسى تاعايىندالدى.
سول ۇكىممەن تايروۆقا پارا بەرۋ فاكتىسى بويىنشا پارانىڭ جيىرما ەسەلەنگەن سوماسى مولشەرىندە ايىپپۇل تاعايىندالدى، بۇل 24 ملن تەڭگەنى قۇرايدى.
سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلادى.
ۇكىم زاڭدى كۇشىنە ەنگەن جوق.