گفر گاز قويمالارى جوسپارلانعاننان تەز تولتىرىلىپ جاتىر، دەپ مالىمدەدى ەكونوميكا ءمينيسترى حابەك. ءقازىر 82 پايىز تولتىرىلعان. قازان ايىنا بەلگىلەنگەن ماقسات (85 پايىز) قىركۇيەكتىڭ باسىندا ورىندالماق. بۇل تۋرالى Almaty-akshamy.kz Inform.kz-كە سىلتەمە جاساپ حابارلايدى.
رەسەيدەن گاز جەتكىزۋ كولەمىنىڭ ەداۋىر ازايعانىنا قاراماستان، جوسپاردىڭ ارتىعىمەن ورىندالىپ جاتقانىن Der Spiegel باسىلىمى ءتيىستى ۆەدومستۆونىڭ ىشكى قۇجاتىنا سىلتەمە جاساي وتىرىپ حابارلاعان بولاتىن. بۇل حابارلامانى گەرمانيا ەكونوميكا مينيسترلىگىنىڭ وكىلى راستادى.
«گاز قويمالارى قاراستىرىلعاننان تەزىرەك تولتىرىلىپ جاتىر»، - دەدى گەرمانيا ەكونوميكا ءمينيسترى روبەرت حابەك (Robert Habeck) Der Spiegel-گە بەرگەن سۇحباتىندا. ونىڭ ايتۋىنشا، بۇل قوردى ونەركاسىپ پەن ءۇي شارۋاشىلىعىنا گاز جەتكىزۋ ءۇشىن پايدالانۋعا بولادى.
قويمالار گاز تۇتىنۋداعى قۇبىلمالىلىقتى وتەيدى. ول گاز نارىعىنداعى بۋفەر ءتارىزدى. INES گاز جانە سۋتەگىن ساقتاۋ جۇيەلەرى وپەراتورلارى قاۋىمداستىعىنىڭ مالىمەتىنشە، قوردىڭ جەدەل تولتىرىلۋى جازدا گاز پايدالانۋدى ازايتىپ، سولتۇستىك-باتىس ەۋروپادان يمپورت كولەمىن ۇلعايتۋ ارقىلى مۇمكىن بولعان.