بۇگىن فۋتزالدان قازاقستان ۇلتتىق قۇراماسى 2024 جىلعى الەم چەمپيوناتىنىڭ ەليتالىق ىرىكتەۋ كەزەڭىندەگى كەزەكتى تۋر ويىنىن وتكىزەدى.
جەرلەستەرىمىز بۇل جولى ەلورداداعى جاقسىلىق ۇشكەمپىروۆ اتىنداعى جەكپە-جەك سارايىندا نيدەرلاند قۇراماسىمەن شەبەرلىك بايقاسادى. ىرىكتەۋ كەزەڭىندە ءبىزدىڭ جىگىتتەر رۋمىنيا، ازەربايجان جانە نيدەرلاند قۇرامالارىمەن بىرگە «ا» توبىندا ونەر كورسەتىپ جاتىر، دەپ حابارلايدى اlmaty-akshamy.kz. ءتورت تۋردان كەيىن قازاقستان فۋتزالشىلارى 12 ۇپايمەن توپتا كوش باستاپ تۇرسا، نيدەرلاند قۇراماسى 1 ۇپايمەن ءتورتىنشى ورىندا كەلەدى. ايتا كەتەيىك، ۇلتتىق قۇراما ەۋروپالىق رەيتينگتە – 4ء-شى، الەمدىك رەيتينگتە – 7-ورىنعا جايعاسقان. جاۋاپتى ماچ قارساڭىندا تۋريزم جانە سپورت ءمينيسترى ەرمەك مارجىقپايەۆ ۇلتتىق قۇرامانىڭ جاتتىعۋىنا قاتىسىپ، فۋتزالشىلارعا قولداۋ ءبىلدىردى. ال قۇرامانىڭ باس باپكەرى كاكا الداعى ماچقا جىگىتتەردىڭ دايىندىعى جوعارى دەڭگەيدە، جاۋىنگەرلىك كوڭىل-كۇيدە ەكەنىن ايتتى.
«فۋتزالدان قازاقستان قۇراماسى الەمدەگى ەڭ ۇزدىك كوماندالاردىڭ ءبىرى سانالادى. وتكەن الەم چەمپيوناتىندا قازاقستان 4-ورىنعا يە بولسا، 2016 جىلعى ەۋروپا بىرىنشىلىگىندە ءبىزدىڭ جىگىتتەر قولا جۇلدەگەر اتانعان ەدى. الداعى ماچتا ۇلتتىق قۇراماعا تەك جەڭىس تىلەيمىن! ءوز الاڭىمىزداعى ءدال وسى باسەكەدە كەلەسى جىلعى الەم چەمپيوناتىنا جولداما الامىز دەگەن سەنىمدەمىن»، - دەدى ەرمەك مارجىقپايەۆ.
فۋتزالدان الەم چەمپيوناتىنىڭ ەليتالىق ىرىكتەۋ كەزەڭى 14-20 جەلتوقسان ارالىعىندا ەكى ماچپەن اياقتالادى. وسى ماچتاردىڭ بىرىندە قازاقستان قۇراماسى جەڭىسكە جەتەتىن بولسا، 2024 جىلعى 14 قىركۇيەك پەن 6 قازان ارالىعىندا تاشكەنتتە (وزبەكستان) وتەتىن الەم چەمپيوناتىنىڭ فينالدىق كەزەڭىنە ءبىرىنشى ورىنمەن تىكەلەي جولداما الادى.
