«باستاۋ» كينوفەستيۆالى اياسىندا «ارمان» كينوتەاترىندا ماكس اكباروۆتىڭ «دالا» اتتى ءفيلمىنىڭ قازاقستاندىق پرەمەراسى ءوتتى. اتاقتى پروديۋسەر جانە اكتەردىڭ دەبيۋتتىك رەجيسسەرلىك جۇمىسى Bastau Debuts بايقاۋىنا قاتىسۋدا.
كارتينا قازاقستان دالاسىنداعى براكونەرلەرمەن كۇرەسكە تۇسكەن تابيعاتتى قورعاۋ ينسپەكتورلارىنىڭ وقيعاسىن باياندايدى. فيلم 2019 جىلى براكونەرلەرمەن ارپالىستا ەرلىكپەن قازا تاپقان ينسپەكتورلار ەرلان نۇرعالييەۆ پەن قانىش نۇرتازينوۆتى ەسكە الۋعا ارنالعان، دەپ حابارلايدى اlmaty-akshamy.kz.
فيلم كوپ ۋاقىتتان بەرى حالىقارالىق كورمەلەردى ارالاپ ءجۇر – «دالانى» بۇكىل الەم بويىنشا 20-عا جۋىق كينوفەستيۆالدىڭ كورەرمەندەرى باعالاپ ۇلگەردى. ازىرشە اۆتورلاردىڭ قورجىنىندا 11 جۇلدە بار. ەندى مىنە كينو وتاندىق كينو سۇيەر قاۋىمعا دا جەتتى.
«بۇل الەۋمەتتىك ماڭىزى بار فيلم، ءبىز ونى كينوفەستيۆالدەرگە بارادى دەپ ويلاعان جوقپىز. ءتۇسىرىلىمنىڭ ءوزى وتە قىزىقتى، ەرەكشە بولدى، اسىرەسە مەن ءۇشىن – سەبەبى بۇل مەنىڭ رەجيسسەرلىك دەبيۋتىم. قيىن ساتتەر دە بولدى، ءبىز قىستا مينۋس 47 گرادۋستا تۇسىردىك، بوران بولدى، دالادا بىرنەشە ساعاتقا اكتەرلارىمىز اداسىپ كەتتى. جازدا پليۋس 50-دە ءتۇسىرىلدى، ونعا جۋىق كولىك بۇزىلدى. ەكشن كوپ بولدى. وسىنداي ەكسترەمالدى كادرلاردىڭ ارقاسىندا ءبىز لوندونداعى «International MOTOR AWARDS» كينوفەستيۆالىنە قاتىستىق، وندا سوڭعى «فورساجبەن» «ۇزدىك كاسكادەرلىك تريۋكتەر» نوميناسياسىندا بولدىق»، - دەدى دەبيۋتانت ماكس اكباروۆ.
73 مينۋتتىق قىسقا حرونومەتراجعا قاراماستان، كارتينادا وتە مىقتى اكتەرلىك قۇرام. كادردىڭ ءار شارشى مەترى ءۇشىن داۋرەن سەرعازين، ەرجان ءتۇسىپوۆ، تولەپبەرگەن بايساقالوۆ، ەربولات الكوجا، نىشانبەك جۇبانايەۆ، سەرگەي ۋفيمسيەۆ، ەرجان جارىلقاسىن ۇلى، سەيدۋللا مولداحانوۆ جانە اتاقتى رەسەيلىك اكتەر سەرگەي گارماش سەكىلدى تانىمال اكتەرلەر كۇرەسەدى.
باستى ءرولدى ورىنداۋشى سەيدۋللا مولداحانوۆ ءتۇرلى كينوفەستيۆالدەردە ءۇش ماراپاتقا يە بولدى، ال اكباروۆتىڭ ءوزى قازان ايىنىڭ باسىندا XV تاشكەنت حالىقارالىق كينوفەستيۆالىندە «ۇزدىك دەبيۋت» جۇلدەسىنە يە بولدى.
تۋىندى اقمولا جانە قوستاناي وبلىستارىندا تۇسىرىلگەن، ونىڭ بيۋدجەتى شامامەن 180 ميلليون تەڭگەنى قۇرايدى. فيلم كەلەسى جىلى پروكاتقا شىعادى دەپ كۇتىلۋدە.
ال 14 جەلتوقسان كۇنى كەشكە فەستيۆال قوناقتارىن تاعى ەكى قازاقستاندىق پرەمەرا – داۋلەتجان ماحمۇتتىڭ «گلوبۋس» جانە ناريمان تۋرەبايەۆتىڭ «ول شاينەكتى ساتىپ الدى» فيلمدەرى جانە ايسۇلتان سەيىتوۆتىڭ «قاش» ءفيلمىنىڭ ارنايى كورسەتىلىمى كۇتەدى.
فەستيۆال ءداستۇرلى تۇردە Tanaris Production جانە A-Team كينوكومپانيالارىمەن الماتى قالاسى اكىمدىگىنىڭ جانە ق ر مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلادى.
