ق ر قۇراماسى بەسىنشى توپتا سىنعا تۇسەدى
فۋتزالدان قازاقستان قۇراماسى بۇگىن الەم چەمپيوناتىنىڭ ەكىنشى ىرىكتەۋ ساتىسىنداعى كەزەكتى ويىنىن چەرنوگورياعا قارسى وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزدەسۋ بارىسىندا قازاقستاندىق فۋتزالشىلار سەنىمدى ويىن كورسەتتى.
ناتيجەسىندە ءبىرىنشى كەزەڭدە ەل قۇراماسىنان جۋنيور دۋگلاس 1-مينۋتتا ەسەپ اشسا، ابديراسۋل ءابدىماناپ ۇلى – 3، ارنولد كناۋب 14-مينۋتتاردا ەسەپتى ۇستەمەلەي ءتۇستى.
ەكىنشى كەزەڭدە البەرت اقبالىقوۆ 21-مينۋتتا مەرگەندىك تانىتسا، ءبىرجان ورازوۆ 24 جانە 25-مينۋتتاردا كوزدەگەن نىسانادان ءمۇلت كەتكەن جوق. ويىن نۇكتەسىن ازات ۆاليۋللين 39-مينۋتتا قويدى.
وسىلايشا ەل فۋتزالشىلارى قارسىلاسىنان 7:0 ەسەبىمەن باسىم ءتۇستى.
ق ر قۇراماسى بەسىنشى توپتا سىنعا تۇسەدى. قارسىلاستارى - سلوۆەنيا مەن چەرنوگوريا.
بۇعان دەيىن قازاقستاندىق فۋتزالشىلار ءوز الاڭىندا سلوۆەنيانى 2:0 ەسەبىمەن تىزە بۇكتىرسە،سىرت الاڭدا چەرنوگوريانى 5:1 ەسەبىمەن جەڭدى.
ءوز توبىندا توعىز ۇپايمەن ءبىرىنشى ورىن العان قازاقستان قۇراماسى ءبىر تۋر بۇرىن ءۇشىنشى ىرىكتەۋ كەزەڭىنە جولداما الدى.
ەندى قۇرامامىز 2023 جىلدىڭ 8 ناۋرىزىندا سلوۆەنيامەن سىرت الاڭدا تاعى ءبىر مارتە كەزدەسەدى.
فۋتزالدان قازاقستان قۇراماسى الەم چەمپيوناتىنىڭ فينالدىق ساتىسىندا 2000، 2016، 2021 جىلداردا سىنعا ءتۇسىپ، 2021 جىلى ءتورتىنشى ورىنعا تابان تىرەگەن ەدى.