قازگيدرومەت 10 قاراشا كۇنى اۋا رايىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz.
قاراعاندى وبلىسىنىڭ سولتۇستىگىندە، شىعىسىندا جاياۋ بۇرقاسىن، جولداردا كوكتايعاق كۇتىلەدى.
اقمولا وبلىسىنىڭ باتىسىندا، سولتۇستىگىندە، وڭتۇستىگىندە جاياۋ بۇرقاسىن، كوكتايعاق، تۇمان كۇتىلەدى. وڭتۇستىك-باتىستان جەل سوعادى، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س كۇتىلەدى.
10-12 قاراشادا قىزىلوردا وبلىسىنىڭ سولتۇستىگىندە تۇمان تۇسەدى.
استانا قالاسىندا كوكتايعاق بولادى.
شىعىس قازاقستان وبلىسىنىڭ سولتۇستىگىندە، شىعىسىندا كوكتايعاق بولجانادى.
10 قاراشادا تۇندە جانە تاڭەرتەڭ اباي وبلىسىنىڭ باتىسىندا، وڭتۇستىگىندە تۇمان كۇتىلەدى. وبلىستىڭ سولتۇستىگىندە، باتىسىندا كوكتايعاق بولادى.
تۇركىستان وبلىسىنىڭ وڭتۇستىگىندە، باتىسىندا، تاۋلى جانە تاۋ بوكتەرلى اۋداندارىندا تۇمان تۇسەدى.
شىمكەنت قالاسىندا 10-11 قاراشادا تۇندە كەي ۋاقىتتا تۇمان بولادى.
پاۆلودار وبلىسىنىڭ سولتۇستىگىندە جاياۋ بۇرقاسىن كۇتىلەدى. وڭتۇستىك-باتىستان جەل سوعادى، وبلىسىنىڭ سولتۇستىگىندە، باتىسىندا كۇندىز ەكپىنى 15 م/س جەتەدى.
تۇندە جانە تاڭەرتەڭ اقتوبە وبلىسىنىڭ سولتۇستىگىندە، وڭتۇستىگىندە، ورتالىعىندا تۇمان كۇتىلەدى.
سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە، وڭتۇستىك-باتىسىندا جاياۋ بۇرقاسىن، كوكتايعاق بولجانادى.