ەل قۇراماسى الەم چەمپيوناتى ەليتالىق ساتىسىندا 2000، 2016، 2021 جىلداردا سىنعا ءتۇستى
فۋتزالدان 2024 جىلعى الەم چەمپيوناتى ىرىكتەۋ كەزەڭى نەگىزگى ساتىسىنىڭ جەرەبەسى تارتىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ. قازاقستاندىق فۋتزالشىلار بەسىنشى توپتا سلوۆەنيا جانە چەرنوگوريا قۇرامالارىمەن سىنعا تۇسەدى. جارىستىڭ اتالعان ساتىسىندا 36 قۇراما ۇش-ۇشتەن 12 توپقا بولىنگەن. ءبىرىنشى توپ: يسپانيا، مولدوۆا، كيپر ەكىنشى توپ: گرۋزيا، بەلگيا، اۆستريا ءۇشىنشى توپ: چەحيا، بوسنيا جانە گەرسوگوۆينا ءتورتىنشى توپ: پورتۋگاليا، بەلارۋس، ليتۆا التىنشى توپ: ازەربايجان، پولشا، گرەكيا جەتىنشى توپ: حورۆاتيا، ۆەنگريا، يزرايل سەگىزىنشى توپ: فينليانديا، رۋمىنيا، دانيا توعىزىنشى توپ: سەربيا، فرانسيا، نورۆەگيا ونىنشى توپ: يتاليا، سولتۇستىك ماكەدونيا، شۆەسيا ون ءبىرىنشى توپ: ۋكراينا، نيدەرلاندى، كوسوۆو ون ەكىنشى توپ: سلوۆاكيا، لاتۆيا، گەرمانيا ءاربىرى ءوز جانە سىرت الاڭدا ءبىر-بىر ويىننان وتكىزەدى. ءاربىر توپتىڭ جەڭىمپازى مەن ۇزدىك كورسەتكىشكە قول جەتكىزگەن ءتورت قۇراما جارىستىڭ ەليتالىق ساتىسىنا جولداما الادى. ءوز توبىندا ەكىنشى ورىن العان قالعان قۇرامالار اراسىندا وتپەلى ويىندار بولادى. جارىستىڭ نەگىزگى ساتىسىنداعى ويىندار 12-21 قىركۇيەك، 3-12 قازان، 27 اقپان-8 ناۋرىزعا جوسپارلانعان. فۋتزالدان قازاقستان قۇراماسى الەم چەمپيوناتى ەليتالىق ساتىسىندا 2000، 2016، 2021 جىلداردا سىنعا ءتۇستى. ولار 2021 جىلى ءتورتىنشى ورىنعا تابان تىرەدى.
ەسكە سالساق، قوستانايلىق «توبىل» UEFA چەمپيوندار ليگاسىنداعى العاشقى ماچىندا تەڭ ءتۇستى .