فۋتبولدان UEFA ۇلتتار ليگاسى التىنشى تۋرىندا قازاقستان سىرت الاڭدا ازىربايجانمەن كەزدەسەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
اتالعان كەزدەسۋ ەلوردا ۋاقىتىمەن 22:00-دە باستالىپ، «Qazsport» تەلەارنالارىنان تىكەلەي ەفيردە كورسەتىلەدى.
تۋرنير كەستەسىندە قازاقستان قۇراماسى 13 ۇپايمەن كوش باسىندا تۇرسا، 7 ۇپاي ەنشىلەگەن سلوۆاكيا ەكىنشى ورىندا كەلەدى.
قازاقستاندىق فۋتبولشىلار بۇعان دەيىن ەلوردادا ازەربايجاندى 2:0، سلوۆاكيانى سىرت الاڭدا 1:0، ءوز الاڭىندا 2:1 ەسەبىمەن تىزە بۇكتىردى.
ال بەلارۋسپەن سىرت الاڭدا 1:1 ەسەبىمەن تەڭ تۇسسە، ەلوردادا 2:1 ەسەبىمەن باسىم ءتۇستى. ناتيجەسىندە ءبىر تۋر بۇرىن ۆ ديۆيزيونىنا جولداماعا قول جەتكىزدى. وعان قوسا 2024 جىلعى ەۋروپا چەمپيوناتى فينالدىق ساتىسىنا بەرىلەتى جولدامانى ساراپقا سالۋعا مۇمكىندىك الدى.
ەكى قۇراما بۇعان دەيىن 7 مارتە شەبەرلىك بايقاستى. ونىڭ تورتەۋىندە قازاقستاندىق فۋتبولشىلار جەڭىسكە جەتسە، ەكەۋىندە كەزدەسۋ تەڭ اياقتالىپ، بىرەۋىندە ازەربايجاندىق قۇراما باسىم ءتۇستى.
اتالعان كەزدەسۋدە گەرمانيالىق حارم وسمەرس باس تورەشى قىزمەتىن اتقارادى. وعان وتانداستارى دومينيك شاال مەن بەنيامين براند كومەكشىلىك جاسايدى. قوسالقى تورەشى دە سول ەلدىڭ وكىلى روبەرت كەمپتەر.
سونداي-اق، بۇگىن اتالعان توپتا سلوۆاكيا مەن بەلارۋس قۇرامالارى ءوزارا شەبەرلىك بايقاسادى.