ەلدىڭ سولتۇستىگىندە كۇن سالقىنداپ، قار ارالاس جاڭبىر جاۋۋى ىقتيمىل - قازگيدرومەت

الماتى وبلىسىنىڭ باسىم بولىگىندە جوعارى ءورت ءقاۋپى ساقتالادى

قازگيدرومەت قازاقستان ايماقتارىندا 26 قىركۇيەكتە بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz.

قازاقستان تەرريتورياسىنىڭ باسىم بولىگىنىڭ اۋا رايىن سولتۇستىك باتىس سيكلونى جانە ونىمەن بايلانىستى اتموسفەرالىق فرونتالدى بولىكتەر انىقتايدى، ونىڭ اسەرىنەن جاڭبىر، سولتۇستىكتە قاتتى جاڭبىر، تۇندە سولتۇستىكتە جاۋىن-شاشىن (جاڭبىردىڭ سوڭى قارعا ۇلاسادى) كۇتىلەدى.

قازاقستاننىڭ قالعان اۋماعى جوعارى قىسىم ايماعىندا بولعاندىقتان جاۋىن-شاشىنسىز اۋا رايى كۇتىلەدى. رەسپۋبليكا بويىنشا كەي جەرلەردە نايزاعاي، جەلدىڭ كۇشەيۋى، وڭتۇستىكتە، وڭتۇستىك-باتىستا شاڭدى داۋىل، سولتۇستىكتە، سولتۇستىك-باتىستا بۇرشاق كۇتىلەدى.

قوستاناي وبلىسىنىڭ سولتۇستىگىندە، كۇندىز سولتۇستىك قازاقستان وبلىسىنىڭ سولتۇستىگىندە قاتتى جاڭبىر كۇتىلەدى.

جامبىل، قاراعاندى، تۇركىستان، قىزىلوردا وبلىستارىنىڭ باسىم بولىگىندە، پاۆلودار وبلىسىنىڭ ورتالىعىندا، اباي وبلىسىنىڭ سولتۇستىك-باتىسىندا، سولتۇستىگىندە، شىعىسىندا توتەنشە ءورت ءقاۋپى ساقتالادى، اتىراۋ وبلىسىنىڭ وڭتۇستىگىندە، جەتىسۋ وبلىسىنىڭ وڭتۇستىك-باتىسىندا توتەنشە ءورت ءقاۋپى كۇتىلەدى.

الماتى وبلىسىنىڭ باسىم بولىگىندە جوعارى ءورت ءقاۋپى ساقتالادى.