فۋتبولدان قازاقستان قۇراماسىنىڭ بىرىككەن اراب امىرلىگىندەگى وقۋ-جاتتىعۋ جيىنى اياسىندا تۇرىكمەنستانمەن كەزدەسۋى جابىق تۇردە وتەدى.
بۇل جونىندە قازاقستان فۋتبول فەدەراسياسى ءمالىم ەتتى، دەپ حابارلايدى Almaty-akshamy.kz.
«ەكى جاقتىڭ شەشىمى بويىنشا 14 ناۋرىزعا جوسپارلانعان تۇرىكمەنستان قۇراماسىنا قارسى باقىلاۋ ماچى جابىق تۇردە بولادى. اتالعان ويىننىڭ باستى ماقساتى – باپكەرلىك شتابتىڭ گرەكيامەن بولاتىن ماچتا تاكتيكالىق ساتتەرىن سىناپ كورۋى»، - دەپ اتاپ ءوتتى فەدەراسيادان.
ايتا كەتسەك، بىرىككەن اراب امىرلىكتەرىندە وتەتىن وقۋ-جاتتىعۋ جيىنى 19 ناۋرىزعا دەيىن سوزىلادى.
ۇلتتىق قۇراماعا شاقىرتۋ العان ويىنشىلاردىڭ باسىم بولىگى جينالدى.
ەندى تۇركيا مەن رەسەي چەمپيوناتىندا وينايتىن ابات ايىمبەتوۆ، باقتيەر زاينۋتدينوۆ، نۇرالى ءالىپ جانە الەكساندر زۋيەۆ قاتارعا كەيىن قوسىلادى.
قازاقستان قۇراماسى ۇلتتار ليگاسىندا س جولىمەن 21 ناۋرىزدا جارتىلاي فينالدا سىرت الاڭدا گرەكيامەن كەزدەسەدى.
جەڭگەن جاعدايدا 26 ناۋرىزدا تاعى دا سىرت الاڭدا گرۋزيا-ليۋكسەمبۋرگ جۇبىنىڭ جەڭىمپازىمەن شەبەرلىك بايقاسادى.