قازاقستاندىق فۋتبولشى ماكسيم سامورودوۆ رەسەي وكىلى ماكسيم كيگينكومەن 2025 جىلدىڭ 14 قىركۇيەگىنە دەيىن قولدانىستاعى كەلىسىمشارتتىڭ 6.4-بابىن بۇزعانى ءۇشىن، ياعني دەلدالدى الدىن الا جازباشا حاباردار ەتپەي، فۋتبول كلۋبىمەن ەڭبەك كەلىسىمشارتىن جاساعانى ءۇشىن، 3 ملن ەۋرو ايىپپۇل تولەۋگە مىندەتتى، دەپ حابارلايدى aqshamnews.kz.
بۇعان دەيىن رەسەيلىك فۋتبول ينسايدەرى يۆان كارپوۆ سامورودوۆتىڭ احماتقا ءوتۋ تۋرالى كەلىسسوزدەرىن فۋتبولشىنىڭ اتىنان اكتوبە ەمەس، قازاقستان فۋتبول فەدەراسياسىنىڭ پرەزيدەنتى ادىلەت بارمەنقۇلوۆتىڭ ءوزى جۇرگىزىپ جاتقانىن حابارلاعان ەدى. كارپوۆ: «بۇل قانداي دەڭگەي!»، - دەپ جازعان بولاتىن.
سونىمەن قاتار، قازاقستاندىق جۋرناليست تيمۋر قاماشيەۆ BorodAbata پودكاستىندا: «قازاقستان فۋتبول فەدەراسياسىنىڭ پرەزيدەنتى ادىلەت بارمەنقۇلوۆ ماكسيم سامورودوۆتىڭ ترانسفەرىنەن قانشا الدى؟» دەگەن سۇراق قويعان.
Transfermarkt اقپاراتى بويىنشا، گروزنىيدىڭ احمات كلۋبى سامورودوۆ ءۇشىن «اقتوبەگە» ءبىر ميلليون ەۋرو تولەگەن، بۇل — اكتوبەلىكتەردىڭ تاريحىنداعى ەڭ ءىرى ساتۋ. قازاقستان ۆاليۋتاسىندا بۇل سوما 528،6 ميلليون تەڭگەنى قۇرايدى.