الماتى قالاسى مەدەۋ اۋدانىنىڭ سوتىمەن قالالىق ەمحانانىڭ بۋحگالتەرلەرى ك. حانگيرەيەۆا مەن ا. تۋعانبايەۆا سوتتالدى، دەپ حابارلايدى aqshamnews.kz.
ولار اۋرۋحانادا ءىس جۇزىندە ەڭبەك قىزمەتىن جۇزەگە اسىرماعان ادامدارعا جالاقىنى جانە باسقا دا تولەمدەردى زاڭسىز اۋدارۋ ارقىلى 341 ملن تەڭگەدەن استام سومادا بيۋدجەت قاراجاتىن جىمقىرعان.
سوت ۇكىمىمەن باس بۋحگالتەر حانگيرەيەۆاعا 7 جىل 6 اي باس بوستاندىعىنان ايىرۋ جازاسى تاعايىندالدى.
ونىڭ قاراماعىنداعى قىزمەتكەر تۋعانبايەۆا 7 جىلعا باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
الماتى قالالىق ەمحاناسىنىڭ بۋحگالتەرلەرى سوتتالدى
- اۆتور aqshamnews.kz
- 10:52، 15 تامىز 2024
Cۋرەت: freepik.com