فۋتبولدان قازاقستان كۋبوگىندا «قايرات» قاتارىنان ءۇشىنشى مارتە جەڭىسكە جەتتى

فۋتبولدان قازاقستان كۋبوگىنىڭ توپتىق كەزەڭى ءۇشىنشى تۋرى مارەسىنە جەتتى.

اتالعان تۋرداعى سوڭعى ويىندا الماتىدا جەرگىلىكتى «قايرات» پاۆلودار وبلىسىنىڭ «اقسۋ» كومانداسىن 3:2 ەسەبىمەن ءسۇرىندىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.

كەزدەسۋ بارىسىندا الماتىلىق كلۋبتان ۆياچەسلاۆ شۆىريەۆ 38، ارتۋر شۋشەناچيەۆ 58، گۇلجىگىت الىكۋلوۆ 79، دانيار ۇسەنوۆ 93-مينۋتتاردا گول سوقتى. وعان پاۆلودارلىق كلۋبتان ارمان سمايىلوۆ 55، ميراس تۇرلىبەك 91-مينۋتتاردا قوس گولمەن جاۋاپ قايىردى. وسىلايشا «قايرات» قارسىلاسىنان 4:2 ەسەبىمەن باسىم ءتۇستى.

سونداي-اق، «اقجايىق» (ورال) «قىزىلجار» (پەتروپاۆل) كومانداسىن 1:0، «جەتىسۋ» (تالدىقورعان) مەن «شاحتەر» (قاراعاندى) 0:0 ەسەبىمەن تەڭ وينادى. ال «توبىل» (قوستاناي) ءوز الاڭىندا «ماقتاارال» (تۇركىستان وبلىسى) كومانداسىنا 1:4 ەسەبىمەن جول بەردى. ەسكە سالساق، بۇدان بۇرىن 22 شىلدەدە «اتىراۋ» ءوز الاڭىندا شىمكەنتتىڭ «ورداباسى» كومانداسىنا 0:4 ەسەبىمەن ەسە جىبەرسە، «تاراز» بەن «اقتوبە» كوماندالارى 0:0 ەسەبىنە قاناعات ءبىلدىردى. سونداي-اق، 23 شىلدەدە قىزىلوردالىق «قايسار» سىرت الاڭدا اقتاۋدىڭ «كاسپيي» كومانداسىن 2:1 ەسەبىمەن ءسۇرىندىردى. ەندى ءتورتىنشى تۋر ويىندارى 29، 30، 31 شىلدە كۇندەرى وتكىزىلەدى.