فۋتبولدان ەۋروپا بىرىنشىلىگى: قازاقستان جاستار قۇراماسىنىڭ قارسىلاستارى انىقتالدى

قازاقستاندىق فۋتبولشىلار ۆ توبىندا سىنعا تۇسەدى

فۋتبولدان جاستار قۇرامالارى اراسىنداعى 2025 جىلعى ەۋروپا بىرىنشىلىگى ىرىكتەۋ ساتىسىنىڭ جەرەبەسى تارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

جەرەبە تارتۋ راسىمىندە جەتى توپتا التى قۇراما توپتاسسا، ەكەۋىندە بەسەۋدەن جاساقتالعان.

قازاقستاندىق فۋتبولشىلار ۆ توبىندا سىنعا تۇسەدى. قارسىلاستارى - ۆەنگريا، شوتلانديا، مالتا، بەلگيا جانە يسپانيا قۇرامالارى.

ءتۋرنيردىڭ فينالدىق ساتىسىنا 15 قۇراما شىعۋعا مۇمكىندىك الادى. وعان جارىستى ۇيىمداستىرۋشى ەل رەتىندە سلوۆاكيا قوسىلادى.

ىرىكتەۋ ساتىسى 2023 جىلدىڭ ناۋرىز جانە 2024 جىلدىڭ قاراشا ايلارى ارالىعىندا وتكىزىلەدى. ءاربىر توپتان جەڭىمپاز جانە ۇزدىك ناتيجەگە قول جەتكىزگەن ءۇش قۇراما تىكەلەي جولداما الادى.

ال توبىندا ەكىنشى ورىن العان قالعان التى قۇراما قالعان ءۇش جولداما ءۇشىن وتپەلى ويىندار وتكىزەدى.

قۇرامالاردىڭ توپتارعا ءبولىنۋى تومەندەگىشە:

ا توبى: يتاليا، يرلانديا، نورۆەگيا، تۇركيا، لاتۆيا، سان مارينو

ۆ توبى: يسپانيا، بەلگيا، شوتلانديا، ۆەنگريا، قازاقستان، مالتا

س توبى: نيدەرلاند، شۆەسيا، گرۋزيا، سولتۇستىك ماكەدونيا، مولدوۆا، گيبرالتار

D توبى: گەرمانيا، پولشا، يزرايل، بولگاريا، كوسوۆو، ەستونيا

E توبى. رۋمىنيا، شۆەيساريا، فينليانديا، البانيا، چەرنوگوريا، ارمەنيا

F توبى: انگليا، ۋكراينا، سەربيا، سولتۇستىك يرلانديا، ازەربايجان، ليۋكسەمبۋرگ

G توبى: پورتۋگاليا، حورۆاتيا، گرەكيا، بەلارۋس، فارەر ارالدارى، اندوررا

H توبى: فرانسيا، اۆستريا، سلوۆەنيا، بوسنيا جانە گەرسوگوۆينا، كيپر

I توبى: دانيا، چەحيا، يسلانديا، ۋەلس، ليتۆا

ەسكە سالساق، بۇدان بۇرىن فۋتبولدان كلۋبتار اراسىنداعى الەم چەمپيوناتى باستالادى.