ايەلدەر اراسىنداعى فۋتبولدان 2025 جىلعى ەۋروپا چەمپيوناتىنا ىرىكتەۋ جالعاسۋدا.
س ليگاسىندا ونەر كورسەتەتىن ۇلتتىق كوماندامىز بۇل جولى ارمەنيا قىزدارىمەن كەزدەستى. ماچ الماتىداعى ورتالىق ستاديوندا ءوتتى جانە الاڭ يەلەرىنىڭ ايقىن باسىمدىعىمەن اياقتالدى. قورىتىندى ەسەپ: 4:1، دەپ حابارلايدى Almaty-akshamy.kz.
قازاقستان ساپىنان الەكساندرا بۋروۆا، ايدا گايستەنوۆا، بيبىگۇل نۇرىشيەۆا جانە اسەلحان تۇرلىبەكوۆا مەرگەندىگىمەن كوزگە ءتۇستى. وسىلايشا، ماديار كەمبىلوۆ باپتايتىن قازاق قىزدارى ىرىكتەۋ كەزەڭىندەگى العاشقى جەڭىسىنە قول جەتكىزدى. توپتىق كەزەڭنىڭ 4 تۋرىنان كەيىن ۇلتتىق قۇراما 3 ۇپايمەن ەڭ تومەنگى ساتىدا تۇر. ۇپاي كورسەتكىشى جاعىنان بولگاريامەن تەڭ. ال توپ باسىنا رۋمىنيا جانە ارمەنيا كوماندالارى جايعاستى.