ءماجىلىس دەپۋتاتى ەرنۇر بەيسەنبايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى، لوتەرەيالار جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا تانىستىردى، دەپ حابارلايدى Almaty-akshamy.kz.
ەندى ەنەرگەتيكالىق سۋسىنداردى ساتىپ الۋ ءۇشىن ازاماتتاردىڭ جاسى 21-دەن اسقان بولۋى كەرەك. ولاردى 21 جاسقا تولماعان ادامدارعا ساتۋعا (سونىڭ ىشىندە ساتۋشىنىڭ قاتىسۋىنسىز – اۆتوماتتار، باسقا ەلەكتروندىق نەمەسە مەحانيكالىق قۇرىلعىلار ارقىلى) تىيىم سالىنادى. ءتيىستى تۇزەتۋلەردى بۇگىن ءماجىلىس دەپۋتاتتارى قابىلدادى.
سونىمەن قاتار ۇكىمەتتىڭ ۇسىنىسىمەن ەنگىزىلگەن قوسىمشا وزگەرىستەرگە سايكەس مەملەكەتتىك ەڭبەك ينسپەكسياسى جەرگىلىكتى اتقارۋشى ورگانداردان ەڭبەك جونىندەگى ۋاكىلەتتى مەملەكەتتىك ورگانعا بەرىلەدى.