فۋتبولدان الەم چەمپيوناتىندا ماروككو مەن حورۆاتيا قۇرامالارى تەڭ ءتۇستى

ماروككو ازۋلى قارسىلاسىنا لايىقتى توتەپ بەردى

قاتاردا ءوتىپ جاتقان فۋتبولدان 2022 جىلعى الەم چەمپيوناتىنىڭ ءۇشىنشى ويىن كۇنىندە F توبىنداعى ماروككو مەن حورۆاتيا قۇرامالارى كەزدەستى، دەپ حابارلايدى Almaty-akshamy.kz قازاقپاراتقا سىلتەمە جاساپ.

حورۆاتيا قۇراماسى 2018 جىلى فينالعا دەيىن جەتتى. اقتىق سىندا فرانسياعا ەسە جىبەرىپ، ازىرگە ءوز تاريحىنداعى ەڭ جوعارى جەتىستىككە قول سوزدى.

بيىل دا سونداي تابىسقا جەتە الا ما؟ جانكۇيەرلەر ولاردان وسىنداي جەڭىس كۇتەدى.

حورۆاتيا فۋتبولشىلارى ءدۇبىرلى دوداداعى العاشقى كەزدەسۋىن ماروككو قۇراماسىنا قارسى وتكىزدى. كەزدەسۋ بارىسىندا قوس قۇراما جەڭىسكە جەتۋ جولىن ىزدەدى.

الەم فۋتبولىنىڭ جۇلدىزى لۋكا مودريچ حورۆاتيا قۇراماسىن العا سۇيرەۋگە ۇمتىلدى. دەسە دە، ولاردىڭ ويلاعانى ورىندالماي جاتتى.

ماروككو ازۋلى قارسىلاسىنا لايىقتى توتەپ بەردى.

ەكىنشى كەزەڭدە دە فۋتبولشىلار تابلوداعى ەسەپكە وزگەرىس ەنگىزۋگە كۇش سالعان ەدى. حورۆاتيالىق قۇراما ويىنشىلارىندا دالدىك جەتىسپەي جاتتى.

وسىلايشا قوس قۇراما 0:0 ەسەبىنە قاناعات ءبىلدىردى.

ايتا كەتسەك، اتالعان توپتاعى بەلگيا مەن كانادا كەزدەسۋى «Qazsport» تەلەارناسىنان ەلوردا ۋاقىتىمەن 01:00-دە تىكەلەي ەفيردە كورسەتىلەدى.

سونداي-اق، بۇگىن، 23 قاراشادا ە توبىندا ەكى كەزدەسۋ وتەدى.

22 قاراشادا س توبىندا ارگەنتينا ساۋد ارابياسىنان جەڭىلسە، مەكسيكا مەن پولشا تەڭ ءتۇستى.

ال D توبىندا فرانسيا اۋستراليانى ءىرى ەسەپپەن ۇتسا، دانيا مەن تۋنيس كوماندالارى تەڭ تارقاستى.