قازاقستان قۇراماسى ىرىكتەۋ ساتىسىندا D توبىندا سىنعا تۇسەدى
بۇگىن، 13 قاراشادا فۋتبولدان 2022 جىلعى الەم چەمپيوناتىنا ىرىكتەۋ ساتىسىندا قازاقستان قۇراماسى سوڭعى ويىنىن سىرت الاڭدا فرانسياعا قارسى وتكىزەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ويىن ەلوردا ۋاقىتىمەن 01:35-تە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
ايتا كەتسەك، بيىل الەم چەمپيوناتى ىرىكتەۋ ساتىسىنداعى ەكىنشى ويىندا قازاقستاندىق فۋتبولشىلار اتالعان قارسىلاسىنا 0:2 ەسەبىمەن ەسە جىبەردى.
ايتا كەتەيىك، قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانسيا، ۋكراينا، بوسنيا جانە گەرسوگوۆينا، فينليانديا.
ەسكە سالساق، بۇدان بۇرىن قازاقستان قۇراماسى فينلياندياعا ەسە جىبەردى.
قازاقستان قۇراماسى بۇعان دەيىن جەتى ويىن وتكىزدى. ۇشەۋىندە تەڭ ناتيجە تىركەلىپ، تورتەۋىندە قارسىلاستارىنا ەسە جىبەردى.
بۇل توپتا التى ويىننان كەيىن 12 ۇپاي جيناعان فرانسيا كوش باسىندا كەلەدى. قازاقستان جەتى ويىننان كەيىن 3 ۇپايمەن بەسىنشى ورىندا تۇر.