اۆتوبۋستاردىڭ ءجۇرۋ باعىتى دا وزگەرەدى
ياسساۋي كوشەسى جەكسەنبىدە كۇنى بويىنا جابىق بولادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
قالالىق موبيلدىلىك باسقارماسىنىڭ مالىمەتىنشە، ياسساۋي كوشەسىنىڭ اباي داڭعىلىن كەسىپ وتەتىن جەرىندە كولىك قوزعالىسى 14 قاراشادا ساعات 6:00-دەن 23:00-گە دەيىن تولىقتاي شەكتەلەدى.
بۇل ۋاقىتتا №126، 52، 50 قوعامدىق كولىكتەرى مومىش ۇلى كوشەسىمەن قاتىنايتىن بولادى.
№104ا اۆتوبۋس سولتۇستىك باعىتتا مىنا كەستەگە ساي قاتىنايدى: ياسساۋي – شالياپين - مومىش ۇلى – جەتى جارعى - ءسادۋاقاسوۆ – اقباقاي - ياسساۋي جانە ودان ءارى اعىمداعى سحەما بويىنشا، ال وڭتۇستىكتە باعىت بويىنشا: ياسساۋي – جەتى جارعى - مومىش ۇلى – شالياپين - ياسساۋي جانە ودان ءارى قازىرگى سحەما بويىنشا.