فۋتبولدان 2022 جىلعى الەم چەمپيوناتىنىڭ العاشقى كەزدەسۋىندە قاتار قۇراماسى ەكۆادورعا جول بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءتۋرنيردىڭ فينالدىق ساتىسىنا قاتارلىق فۋتبولشىلار تۇڭعىش مارتە قاتىسىپ وتىر. ال ەكۆادور بۇعان دەيىن ءۇشىنشى مارتە ب ا ق سىنادى.
سوندىقتان قاتارلىق قۇراماعا تاجىريبە جەتىسپەگەن سەكىلدى. كەزدەسۋدىڭ العاشقى مينۋتىنان ەكۆادورلىق فۋتبولشىلار العا قاراي ۇمتىلدى. وسىنداي ساتتەردىڭ بىرىندە ەنۆەر ۆالەنسيا 3-مينۋتتا قاقپانى ءدال كوزدەگەن ەدى. الايدا اتالعان گول ويىن ءتارتىبىنىڭ بۇزىلۋىنا بايلانىستى سانالعان جوق.
ەنۆەر ۆالەنسيا 16-مينۋتتا پەنالتيدەن ەسەپ اشتى. بۇل - بيىلعى الەم چەمپيوناتىندا سوعىلعان العاشقى گول بولاتىن. ول 31-مينۋتتا ەسەپتى ۇستەمەلەي ءتۇستى.
ەكىنشى كەزەڭدە الاڭ يەلەرى تارازى باسىن تەڭەستىرۋگە ۇمتىلدى. الايدا، دىتتەگەن ماقساتىنا جەتە العان جوق.
وسىلايشا قاتار فۋتبولشىلارى قارسىلاسىنا 0:2 ەسەبىمەن ەسە جىبەردى.
اتالعان ەكى قۇراما ا توبىندا سىنعا تۇسەدى. بۇل توپتاعى سەنەگال - نيدەرلاندى كەزدەسۋى 21 قاراشادا ەلوردا ۋاقىتىمەن 22:00- دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
سونداي-اق، بۇل كۇنى ۆ توبىنداعى انگليا - يران كەزدەسۋىن ەلوردا ۋاقىتىمەن 19:00-دە «Qazaqstan» جانە «Qazsport»، اقش - ۋەلس ويىنى 01:00-دە «Qazsport» تەلەارناسىنان تاماشالاۋعا بولادى.