20 قاراشادا وتكەن كەزەكتەن تىس پرەزيدەنت سايلاۋى كەزىندە ەxit poll ادىستەمەسى بويىنشا جۇرگىزىلگەن ساۋالنامالاردىڭ العاشقى قورىتىندىلارى ءمالىم بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اۋەلى «قازاقستان» تەلەراديوكورپوراسياسىنىڭ تاپسىرىسى بويىنشا ساۋالناما جۇرگىزگەن «اشىق قوعام» وڭىرلىك زەرتتەۋلەر حالىقارالىق ينستيتۋتىنىڭ مونيتورينگ ناتيجەسىن جاريالادى. وعان بارلىق وڭىرلەردە ورنالاسقان 354 سايلاۋ ۋچاسكەسىنەن 1062 ينتەرۆيۋرەر اتسالىسىپ، قازاقستاننىڭ 304 مىڭنان استام ازاماتىنان جاۋاپ العان.
الەۋمەتتتانۋ زەرتتەۋىنىڭ قاتەلىگى شامامەن +/-2 پايىز. سايلاۋشىلاردىڭ كەلۋى 68،7 پايىز بولعان.
سونىمەن، «اشىق قوعام» وڭىرلىك زەرتتەۋلەر حالىقارالىق ينستيتۋتى جۇرگىزگەن Exit-poll ناتيجەسى مىناداي:
قاسىم-جومارت توقايەۆ —82،45%؛
مەيرام قاجىكەن —2،23 %؛
جيگۋلي دايرابايەۆ — 3،33%؛
قاراقات ابدەن — 2،54%؛
سالتانات تۇرسىنبەكوۆا — 2،08%؛
نۇرلان اۋەسبايەۆ — 2،17%؛
بارىنە قارسىمى – 5،2%.
AMANAT پارتياسى جانىنداعى قوعامدىق ساياسات ينستيتۋتى جۇرگىزگەن ەxit poll ناتيجەسى بويىنشا سايلاۋشىلاردىڭ 85 پايىزدان استامى كانديدات قاسىم-جومارت توقايەۆقا داۋىس بەرگەن.
مۇنداعى Exit poll 70 مىڭنان استام ازاماتتى قامتىعان.
ونىڭ ناتيجەسى مىناداي:
قاسىم-جومارت توقايەۆقا – 85،52 پايىز؛
جيگۋلي دايرابايەۆقا – 2،67 پايىز؛
قاراقات ابدەنگە – 2،61 پايىز؛
مەيرام قاجىكەنگە – 2،43 پايىز؛
نۇرلان اۋەسبايەۆقا – 1،93 پايىز؛
سالتانات تۇرسىنبەكوۆاعا - 1،44 پايىز داۋىس بەرىلدى.
ال بارىنە قارسىمىن باعانىنا داۋىس بەرگەندەردىڭ 3،4 پايىزى بەلگىلەگەن.
«سوسيس-ا» كەشەندى الەۋمەتتىك زەرتتەۋلەر ينستيتۋتى – استانا» جق وزدەرى جۇرگىزگەن Exit poll قورىتىندىسىن جاريالادى.
ونىڭ قوىرىتىندىسى مىناداي:
قاراقات ابدەن – 2،84%؛
نۇرلان اۋەسبايەۆ – 2،38%؛
جيگۋلي دايرابايەۆ – 3،68%؛
مەيرام قاجىكەن - 2،62%؛
قاسىم-جومارت توقايەۆ – 82،02%؛
سالتانات تۇرسىنبەكوۆا – 2،24 %؛
بارىنە قارسىمىن – 4،22%.
وسىلايشا العاشقى ءۇش Exit poll قورىتىندىسى دا ۇمىتكەر قاسىم-جومارت توقايەۆتىڭ كەزەكتەن تىس پرەزيدەنت سايلاۋىندا ايقىن باسىمدىقپەن جەڭدى دەگەنگە ساياتىن مالىمەت ۇسىنىپ وتىر. «اشىق قوعام» ينستيتۋتىنىڭ نۇسقاسى بويىنشا ق.توقايەۆقا سايلاۋشىلاردىڭ 82،45%-ى داۋىس بەرگەن. ەكىنشى ورىندا 5،2% داۋىسپەن «بارىنە قارسىمىن» دەگەن باعانا تۇر.
ال AMANAT پارتياسى جانىنداعى قوعامدىق ساياسات ينستيتۋتىنىڭ نۇسقاسى بويىنشا ق.توقايەۆقا سايلاۋشىلاردىڭ 85،52%-ى داۋىس بەرگەن. ەكىنشى ورىندا 3،4% داۋىسپەن «بارىنە قارسىمىن» دەگەن باعانا تۇر.
«استانا» كەشەندى الەۋمەتتىك زەرتتەۋلەر ينستيتۋتىنىڭ نۇسقاسى بويىنشا ق.توقايەۆقا سايلاۋشىلاردىڭ 82،2%-ى داۋىس بەرگەن. ەكىنشى ورىندا 4،22% داۋىسپەن «بارىنە قارسىمىن» دەگەن باعانا تۇر.
ايتا كەتسەك، ورتالىق سايلاۋ كوميسسياسىنىڭ مالىمەتى بويىنشا، كەشەگى ساعات 22.00-دەگى جاعداي بويىنشا رەسپۋبليكانىڭ 8 299 501 ازاماتى بيۋللەتەن الدى. ول - تىزىمگە ەنگىزىلگەن ازاماتتاردىڭ 69،43 پايىزى دەگەن ءسوز. ال 4 وڭىردە سايلاۋشىلاردىڭ 80 پايىزدان استامى داۋىس بەرگەن.
بۇگىن ەلىمىزدە كەزەكتەن تىس پرەزيدەنت سايلاۋ ءوتتى. بارلىق وڭىردە 10 033 ۋچاسكە جۇمىس ىستەدى.
سونىمەن قاتار شەت مەملەكەتتەردەگى قازاقستان وكىلدىكتەرى جانىنداعى 68 ۋچاسكەنىڭ بىرنەشەۋى قازىرگى ۋاقىتتا جۇمىسىن اياقتادى.
سايلاۋ كۇنىندە سان-فرانسيسكوداعى سايلاۋ ۋچاسكەسى سوڭعى بولىپ جۇمىسىن باستادى.