پرەمەر‑مينيستر ولجاس بەكتەنوۆ نارتاي سارسەنعالييەۆتىڭ فۋتبول كلۋبتارىن جەكەشەلەندىرۋ ماسەلەسىنە قاتىستى دەپۋتاتتىق ساۋالىنا جاۋاپ بەردى، - دەپ حابارلايدى aqshamnews.kz.
پرەزيدەنتتىڭ تاپسىرماسىنا سايكەس، تۋريزم جانە سپورت مينيسترلىگى قازاقستان فۋتبول فەدەراسياسىمەن بىرگە وڭىرلەردە جانە رەسپۋبليكا بويىنشا الەۋەتتى ينۆەستورلارمەن جۇمىس جۇرگىزىپ جاتىر.
"وسى جۇمىستار اياسىندا او "ورتالىق‑ازيالىق وتىن‑ەنەرگەتيكالىق كومپانيا" (سەرگەي كان) فك "قىزىل‑جاردى" ساتىپ الۋ مۇمكىندىگىن قاراستىرىپ جاتىر، Freedom Finance (تيمۋر تۋرلوۆ) فك "ءشاحتورعا" ستاديون مەن فۋتبول اكادەمياسىن سالۋعا قىزىعۋشىلىق تانىتقان، Kaspi Group (ميحايل لومتادزە) فك "جەڭىستى" ساتىپ الىپ، استانادا فۋتبول ينفراقۇرىلىمىن قۇرۋدى جوسپارلاپ وتىر. قىزىلوردادان الەۋەتتى ينۆەستور TAU GROUP LTD (يسلام قوزباقوۆ) "قايساردى" ساتىپ الۋدى جوسپارلاپ وتىر"، - دەدى ولجاس بەكتەنوۆ.
سونىمەن قاتار، فك "تاراز"، "ەلىماي" جانە "ەرتىس"-كە قىزىعۋشىلىق تانىتىپ وتىرعان ينۆەستورلارمەن كەزدەسۋلەر وتكىزىلدى.
بەكتەنوۆ سونداي-اق فۋتبول كلۋبتارىن قارجىلاندىرۋ تۋرالى ايتتى. پرەمەردىڭ دەرەگىنشە، 2025 جىلى فۋتبولدى دامىتۋعا 34،9 ميلليارد تەڭگە قاراستىرىلعان، ونىڭ 31،8 ميللياردى - پرەمەر‑ليگا مەن ءبىرىنشى ليگاداعى كاسىپقوي فۋتبول كلۋبتارىن قولداۋعا، ال 3،1 ميللياردى - بالالار مەن جاپپاي فۋتبولدى دامىتۋعا ارنالعان. اۋديت بارىسىندا ماقساتسىز قاراجات جۇمساۋ، ارتىق تولەمدەر، قىزمەتتەردىڭ قايتالانۋى جانە ءتيىمسىز جوسپارلاۋ سياقتى 100-دەن استام بۇزۋشىلىق انىقتالدى.
سونىمەن قاتار "اقتوبە" مەن "قىزىلجار" فۋتبول كلۋبتارى بويىنشا سىبايلاس جەمقورلىققا قارسى ساراپتامالار جۇرگىزىلدى.
"2025 جىلى وبلىستىق پروكۋراتۋرانىڭ "اقتوبە" كلۋبىن تەكسەرۋ بارىسىندا 250 ميلليون تەڭگەدەن اسا ماقساتسىز جۇمسالۋ انىقتالدى (ىشكى رەگلامەنتتەرسىز ويىنشىلارعا بونۋس پەن سىياقى تولەۋ، مەردىگەرلەرمەن جاسالعان كەلىسىمشارتتار بويىنشا قىزمەت باعاسىنىڭ شەكتەن تىس جوعارىلاۋى)"، - دەلىنگەن جاۋاپتا.