فرانسيادا ءۇش مىڭعا جۋىق مەديسينا قىزمەتكەرى جۇمىستان شەتتەتىلدى. ولاردىڭ بارلىعى ءبىر سەبەپپەن – كوروناۆيرۋسقا قارسى ۆاكسينالانباعاندارى ءۇشىن شىعارىلدى، دەپ حابارلادى almaty-akshamy.kz قازاقپاراتقا سىلتەمە جاساپ.
ۇكىمەتتىڭ دارىگەرلەر ءۇشىن مىندەتتى ەكپە جاساۋ تۋرالى وكىمى بىرنەشە اپتا بۇرىن بەلگىلى بولعان. الايدا كوپشىلىك بيلىكتىڭ سوزدەن ىسكە كوشەتىنىنە تولىق سەنبەدى.
كاسىپوداقتار كادر تاپشىلىعى ماسەلەسىن ايتۋدا. بيلىك جاعداي باقىلاۋدا دەپ سەندىرەدى. ءبىراق كەيبىر اۋرۋحانالاردا شۇعىل شارالار قابىلداۋعا تۋرا كەلدى.
«ءبىز بولىمشەلەردىڭ سەكسيالارىن جابامىز، شتاتتان تىس قىزمەتكەرلەردى تارتامىز، مەديسينا قىزمەتكەرلەرىنەن ارتىق جۇمىس ىستەۋدى سۇرايمىز»، - دەدى جەرگىلىكتى ەمحانالاردىڭ ءبىرىنىڭ وكىلى.
ءۇش مىڭ مەديسينا قىزمەتكەرىنىڭ كەلىسىمشارتىن ۋاقىتشا توقتاتۋ – بۇل جالپى ەۋروپا ءۇشىن بۇرىن-سوڭدى بولماعان جاعداي.