الماتىدا ءۇش قاباتتى ۇيدە شىققان ءورت ءوشىرىلدى، دەپ حابارلايدى almaty-akshamy.kz
شاتىردان شىققان كوك ءتۇتىندى كورگەن ادامدار دەرەۋ توتەنشە جاعدايلار دەپارتامەنتىنە قوڭىراۋ سوققان. عيماراتتىڭ ۇستىڭگى قاباتتارىندا پاتەرلەر بولسا، ءبىرىنشى قاباتتا كەڭسەلەر ورنالاسقان. پوليسيا ماڭايدى قورشاۋعا الىپ، ەشكىمدى جاقىنداتپادى.
قىزىل جالىنمەن كۇرەسكە 28 ارنايى تەحنيكا مەن 90 ءورت ءسوندىرۋشى جۇمىلدىرىلدى. الدىن الا بولجام بويىنشا، ورتەنگەن اۋماقتىڭ كولەمى شامامەن 1500 شارشى مەتر.
ابىروي بولعاندا، قىزىل جالىننان زارداپ شەككەندەر جوق.
تۇرعىندار مەن كەڭسە قىزمەتكەرلەرى دەرەۋ ەۆاكۋاسيالانعان. ءورتتىڭ شىعۋ سەبەبى ازىرگە بەلگىسىز.