بيىل 13 مىڭنان اسا گرانت بولىنگەن.
ماگيستراتۋراعا تۇسۋگە ارنالعان كەشەندى تەستىلەۋ باستالدى، دەپ حابارلايدى Almaty-akshamy.kz
بيىل ماگيستراتۋراعا تۇسۋگە ارنالعان كەشەندى تەستىلەۋگە 43 مىڭعا جۋىق ءوتىنىش قابىلداندى. ەڭ كوپ تاڭدالعان ءبىلىم بەرۋ باعىتتارى قاتارىندا «پەداگوگيكالىق عىلىمدار»، «ينجەنەرلىك، وڭدەۋ جانە قۇرىلىس سالالارى» جانە «بيزنەس، باسقارۋ جانە قۇقىق» بار.
بارلىق قالاۋشىلار ءۇشىن تىركەۋ ءبىر جارىم اي جۇرگىزىلدى. تىركەلۋ بارىسىندا وقۋعا ءتۇسۋشى تەستىلەۋ ورنىن ءوزى تاڭدادى. ەمتيحان بۇگىن باستالىپ، 10 تامىزعا دەيىن جالعاسادى، - دەدى عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ماگيستراتۋراعا ءتۇسۋ فورماتىنا كەلەتىن بولساق، بيىل ەشقانداي وزگەرىس جوق. سونداي-اق، تەستىلەۋ ناتيجەلەرىمەن كەلىسپەگەن جاعدايدا ونلاين-اپەللياسيا بەرۋگە بولادى. تەستىلەنۋشى ەمتيحان اياقتالعاننان كەيىن 30 مينۋت ىشىندە اپەللياسياعا ءوتىنىش بەرە الادى. اپەللياسيا بەس كۇن ىشىندە قاراستىرىلادى، ودان سوڭ سەرتيفيكات وقۋعا ءتۇسۋشىنىڭ جەكە كابينەتىندە قولجەتىمدى بولادى.
شەتكى بالدار وزگەرىسسىز قالدى: عىلىمي-پەداگوگيكالىق ماگيستراتۋراعا ءتۇسۋ ءۇشىن 75 بالل، بەيىندىك ماگيستراتۋراعا ءتۇسۋ ءۇشىن 50 بالل جيناۋ قاجەت.
ماگيستراتۋرادا وقۋ ءۇشىن 2023 جىلى 13 مىڭنان استام گرانت بولىنگەن. كادرلاردى دايارلاۋعا ارنالعان گرانتتار سۇرانىسقا يە باعىتتار بويىنشا بولىنەدى.
گرانت كونكۋرسىنا قۇجاتتاردى قابىلداۋ 11-14 تامىز ارالىعىندا جۇزەگە اسىرىلادى، ال گرانت يەگەرلەرىنىڭ ءتىزىمى 26 تامىزعا دەيىن جاريالانادى. بولاشاق ماگيسترانتتاردىڭ ججوكبۇ-نا قابىلدانۋى 28 تامىزعا دەيىن اياقتالادى.