Telegram مەسسەندجەرىنىڭ نەگىزىن قالاۋشى پاۆەل دۋروۆ ءوزىنىڭ جەكە Telegram كانالىندا وتكەن ايدا پاريجگە كەلگەن سوڭ، فرانسۋز پوليسياسى ونى ءتورت كۇن بويى تەرگەگەنىن جازدى، دەپ حابارلايدى aqshamnews.kz.
دۋروۆ كومپانيانىڭ ەۋرووداق سۇرانىستارىنا جاۋاپ بەرەتىن رەسمي وكىلى بار ەكەنىن ايتىپ، وسى جاعدايعا تاڭ قالعانىن جەتكىزدى.
سونىمەن قاتار، فرانسيا ازاماتى بولىپ تابىلاتىن دۋروۆ، بۇعان دەيىن بىرىككەن اراب امىرلىكتەرىندەگى فرانسيا ەلشىلىگىنە ءجيى بارىپ تۇرعانىن، ءبىراق وسى ۋاقىتقا دەيىن فرانسۋز بيلىگى وعان ەشقانداي سۇراق قويماعانىن اتاپ ءوتتى.
دۋروۆ Telegram كوپتەگەن ەلدەرمەن ىنتىماقتاستىق ورناتۋعا دايىن ەكەنىن، ءبىراق ءوزىنىڭ پرينسيپتەرىنەن باس تارتپايتىنىن ايتتى.
ول مىسال رەتىندە رەسەيدىڭ مەسسەندجەردەن "شيفرلاۋ كىلتتەرىن" بەرۋىن تالاپ ەتكەنىن، بۇل تالاپتىڭ قابىلدانباعانىن جانە ونىڭ ناتيجەسىندە Telegram-نىڭ ۋاقىتشا بۇعاتتالعانىن كەلتىردى. يران بيلىگى دە نارازىلىق بىلدىرۋشىلەردىڭ ارنالارىن بۇعاتتاۋدى تالاپ ەتكەن، ءبىراق بۇل سۇرانىس تا قابىلدانباعاندىقتان، Telegram يراندا تىيىم سالىندى.
سونىمەن قاتار، دۋروۆ Telegram-دى انارحيستەر ءۇشىن "جۇماق" دەپ اتاعان پىكىرلەردى جوققا شىعاردى.
ول كۇن سايىن ميلليونداعان زياندى جازبالار مەن ارنالاردىڭ جويىلىپ جاتقانىن، سونداي-اق Telegram-دا كۇندەلىكتى اشىقتىق ەسەبى جۇرگىزىلەتىنىن جانە توتەنشە سۇرانىستاردى جەدەل وڭدەۋ ءۇشىن ۇكىمەتتىك ەمەس ۇيىمدارمەن تىكەلەي بايلانىس ارنالارى ورناتىلعانىن ايتتى.
