كەشە قازاقستان قالالارىنىڭ بىرىنەن ۇشىپ شىققان رەيستەردىڭ بىرىندە پيلوتتارعا ءۇش ءتۇرلى نۇكتەدەن لازەر ساۋلەلەرىنىڭ باعىتتالعانى انىقتالدى. مۇنداي ارەكەتتەر ۇشاقتا وتىرعانداردىڭ بارلىعىنا ءولىم ءقاۋپىن توندىرەدى، دەپ حابارلايدى aqshamnews.kz.
لازەر ساۋلەسى پيلوتتى ۋاقىتشا سوقىر قىلىپ، اسىرەسە ۇشاقتىڭ ۇشىپ كوتەرىلۋى مەن قونۋى كەزىندە اسا ءقاۋىپتى جاعداي تۋدىرادى. مۇنداي ارەكەتتەر اپاتقا الىپ كەلۋ ءقاۋپىن ەسەلەپ ارتتىرادى.
قازاقستان رەسپۋبليكاسىنىڭ قىلمىستىق كودەكسىنە سايكەس، مۇنداي قىلمىستار ءۇشىن قاتاڭ جازا قولدانىلادى، ونىڭ ىشىندە ۇزاق مەرزىمگە باس بوستاندىعىنان ايىرۋ جازاسى قاراستىرىلعان. سونىمەن قاتار، كىنالىلەر مەملەكەتكە، ازاماتتارعا جانە ينفراقۇرىلىمعا كەلتىرىلگەن زالال ءۇشىن ماتەريالدىق جاۋاپكەرشىلىككە تارتىلادى.
ەگەر ءسىز وسىنداي ءقاۋىپتى ارەكەتتەرگە كۋا بولساڭىز، ىشكى ىستەر ورگاندارىنا نەمەسە 102 ءنومىرى ارقىلى دەرەۋ حابارلاڭىز!