قازاقستاندىق لوۋكوستەر FlyArystan ەلدەگى ەڭ ءىرى جۇگىرۋ جوباسى – Almaty Marathon-مەن سەرىكتەستىگىن جالعاستىرۋدا. 28 قىركۇيەكتە الماتىدا وتەتىن Almaty Marathon جانە 26 قازاندا تۇركىستاندا وتەتىن Turkistan Marathon – كۇزگى مارافوندار قارساڭىندا اۋەكومپانيا قاتىسۋشىلارعا پروموكودتار بويىنشا اۋەبيلەتتەرىنە 30% ارنايى جەڭىلدىك تۋرالى ەسكە سالادى.
«جۇگىرۋ قوزعالىسىن قولداۋ – FlyArystan-نىڭ كورپوراتيۆتىك الەۋمەتتىك جاۋاپكەرشىلىك اياسىنداعى سالاۋاتتى ءومىر سالتىن ناسيحاتتاۋ ستراتەگياسىنىڭ ءبىر بولىگى. ءبىز Almaty Marathon-مەن سەرىكتەستىكتى جالعاستىرىپ، قاتىسۋشىلارعا سپورتتىق شارالارعا ساپارىن ىڭعايلى ءارى ءتيىمدى ەتۋگە قۋانىشتىمىز. جۇگىرۋ ادامداردى بىرىكتىرەدى، قوزعالىسقا جانە دامۋعا شابىتتاندىرادى، ال ءبىزدىڭ مىندەتىمىز – وزگە قالالاردان كەلەتىن قاتىسۋشىلارعا ستارتقا جەتۋدىڭ قولجەتىمدى ءارى ىڭعايلى جولىن ۇسىنۋ»، - دەدى «FlyArystan» اق پرەزيدەنتى ريچارد لەدجەر.
جەڭىلدىك مارافون وتەتىن قالالارعا/قالالاردان ورىندالاتىن اۋە ساپارلارىنا ناۋقان شارتتارىنا سايكەس كۇندەردە قولدانىلادى. ول FlyArystan-نىڭ قازاقستان بويىنشا تىكەلەي جانە توعىسۋ رەيستەرىنە جارامدى. ساپار كۇندەرى مارافونعا دەيىنگى نەمەسە كەيىنگى ەكى كۇندى قامتۋى ءتيىس.
پروموكودپەن بيلەتتەردى اۋەكومپانياسىنىڭ www.flyarystan.com رەسمي سايتى ارقىلى ساتىپ الۋعا بولادى. كودتى تولەم الدىنداعى سوڭعى بەتتە اۆتوماتتى تۇردە پايدا بولاتىن ارنايى جولاققا ەنگىزۋ قاجەت.
جۇگىرۋگە تىركەلگەننەن كەيىن قاتىسۋشىلار پروموكودتى Almaty Marathon ۇيىمداستىرۋشىلارىنان الادى. پروموكود ءبىر رەتتىك جانە تەك ءبىر اۋەبيلەتىن ستاندارتتى تاريف بويىنشا* (جيناقتار مەن الىمدار ەسەپكە الىنبايدى) ساتىپ الۋعا قولدانىلادى. وسىعان بايلانىستى ساپاردى جوسپارلاپ، بيلەتتى بىردەن ەكى باعىتقا الۋ ۇسىنىلادى.
FlyArystan-نىڭ ستاندارتتى “ءتيىمدى” تاريفىنە سالماعى 5 كگ-عا دەيىنگى (ولشەمى 56×23×36 سم) ءبىر قول جۇگى جانە بورتتاعى كەزدەيسوق ورىن كىرەدى. ءاربىر ستارت الدىنداعى كەزەڭدە قاتىسۋشىلار اراسىندا FlyArystan اۋەبيلەتتەرى ويناتىلادى.
FlyArystan تۋرالى:
FlyArystan – Air Astana توبىنىڭ 100% ەنشىلەس كومپانياسى بولىپ تابىلاتىن قازاقستاندىق لوۋكوستەر. ول ءوز قىزمەتىن 2019 جىلدىڭ مامىر ايىندا باستادى. 2025 جىلدىڭ قاڭتار ايىنان باستاپ FlyArystan ءوز سەرتيفيكاتىمەن، FS كودى بويىنشا تاۋەلسىز اۋەكومپانيا رەتىندە قىزمەت كورسەتۋدە. اۋەكومپانيا الماتى، استانا جانە اقتاۋ قالالارىندا ورنالاسقان بازالارىنداعى زاماناۋي A320 ۇشاقتارىنان قۇرالعان اۋە پاركىمەن كەڭ اۋقىمدى مارشرۋتتار جەلىسى بويىنشا رەيستەر ورىندايدى. FlyArystan مارشرۋتتار جەلىسى ىشكى جانە حالىقارالىق رەيستەردى، سونداي-اق چارتەرلىك باعىتتاردى قامتيدى. FlyArystan 2023 جانە 2024 جىلدارى ەكى رەت Skytrax World Airline Awards تاراپىنان ورتالىق ازيا جانە تمد-نىڭ ەڭ ۇزدىك بيۋدجەتتىك اۋەكومپانياسى دەپ تانىلدى.
«ءبىرىنشى بولۋ – باتىلدىق» كورپوراتيۆتىك قورى تۋرالى:
«ءبىرىنشى بولۋ – باتىلدىق» قورى – ورتالىق ازياداعى ەڭ ءىرى جۇگىرۋ شارالارىنىڭ ۇيىمداستىرۋشىسى. قور ءوز قىزمەتىن 2012 جىلى وڭىردەگى العاشقى اۋقىمدى مارافون بولىپ، جۇگىرۋ قوزعالىسىنىڭ دامۋىنا نەگىز سالعان Almaty Marathon-دى ۇيىمداستىرۋدان باستالدى. ۋاقىت وتە كەلە مارافون حالىقارالىق دەڭگەيگە كوتەرىلىپ، بۇكىل الەمنەن مىڭداعان قاتىسۋشىلاردى تارتاتىن شاراعا اينالدى. بۇگىندە قور جىل سايىن Almaty Marathon، Almaty Half Marathon، Astana Half Marathon جانە Turkistan Marathon-دى قوسا العاندا ونعا جۋىق جۇگىرۋ جارىستارىن ۇيىمداستىرادى. بۇل جارىستارعا جىل سايىن 62 ەل جانە 418 قالادان شامامەن 40 000-عا جۋىق ادام قاتىسادى.