5 قازاندا شۆەسيانىڭ كورولدىك عىلىم اكادەمياسى جانىنداعى نوبەل كوميتەتى فيزيكا سالاسىنداعى ءۇش عالىمعا «كۇردەلى فيزيكالىق جۇيەلەردى تۇسىنۋگە قوسقان ۇلەسى ءۇشىن» 2021 جىلعى نوبەل سىيلىعىن تابىستايتىنىن جاريالادى، دەپ حابارلايدى قازاقپارات ازەرتادج-عا سىلتەمە جاساپ.
ازەرتادج-دىڭ مالىمەتىنشە، ستوكگولمدەگى ارنايى شارادا فيزيكادان نوبەل سىيلىعىنىڭ ءبىر بولىگى امەريكالىق عالىم سيۋكۋرو مانابە مەن كلاۋس حاسسەلمانگە «جەر كليماتىن فيزيكالىق مودەلدەۋ، وزگەرگىشتىكتى ساندىق باعالاۋ جانە جاھاندىق جىلىنۋدى سەنىمدى بولجاۋعا» قوسقان ۇلەسى ءۇشىن تابىس ەتىلدى. ال، قالعان بولىگى يتاليالىق عالىم دجوردجو پاريزيگە «اتومنان پلانەتارلىق ماسشتابقا دەيىنگى فيزيكالىق جۇيەلەردەگى تارتىپسىزدىك پەن اۋىتقۋلاردىڭ ءوزارا ارەكەتتەسۋىن اشقانى ءۇشىن» بەرىلدى.