بيىل ەلىمىزدە كومىر تاسىمالداۋدا تەمىرجول ءتاريفى قانداي جانە باعا وزگەرۋى مۇمكىن بە؟ بۇل سۇراققا «قازاقستان تەمىر جولى «جۇك تاسىمالى» ج ش س باس ديرەكتورىنىڭ ورىنباسارى قانات كوبەسوۆ جاۋاپ بەردى، دەپ حابارلايدى almaty-akshamy.kz inform.kz سىلتەمە جاساپ،
«كومىر تاسىمالى بويىنشا تەمىرجول تاريفىنە قاتىستى ايتارىم، باعانىڭ ءوسۋى بولعان جوق جانە جىل سوڭىنا دەيىن باعانى وزگەرتۋ جوسپارلانباعان. سونداي-اق، باسقا جۇكتەرمەن سالىستىرعاندا كومىر تاسىمالداۋ ءتاريفىنىڭ ەڭ تومەن ەكەنىن ايتقىم كەلەدى. مىسالى، كومىردى تاسىمالداۋ باعاسى قارا مەتالدى تاسىمالداۋمەن سالىستىرعاندا 5 ەسە تومەن، قارا مەتالل سىنىقتارى بويىنشا 4 ەسە جانە ورمان جۇكتەرىنەن 2،5 ەسەگە ارزان»، - دەدى قانات كوبەسوۆ «سامۇرىق-قازىنا» اق الاڭىندا ونلاين وتكەن باسپا ءسوز ءماسليحاتىندا.
ونىڭ ايتۋىنشا، ەل ىشىندە كومىر تاسىمالداۋداعى كولىك شىعىنى ورتا ەسەپپەن 8 پايىزدى قۇرايدى. ودان بولەك، سپيكەر كومىر تاسىمالدايتىن تەمىرجول ۆاگوندارىنا قاتىستى مالىمەتپەن ءبولىستى.
«بۇگىندە ق ر تەمىرجول جەلىسىندە اشىق ۆاگوندار پاركى جەتكىلىكتى. ەل اۋماعىندا 64 مىڭنان استام اشىق ۆاگون بار، ولاردىڭ 55% قاتتى وتىندى تاسىمالداۋعا تارتىلعان. ونىڭ ىشىندە 21 مىڭنان استام اشىق ۆاگون ءبىزدىڭ كومپانيانىڭ ەنشىلەسى «قازتەمىرترانس» اق-عا تيەسىلى، ول ۆاگونداردىڭ 66% كومىر تاسىمالداپ جاتىر»، - دەيدى ول.