فينليانديادا 27 مامىردا العاش رەت مايمىل شەشەگى تىركەلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ينفەكسيا ەۋروپادا جۇرگەن ەر ادامنان تابىلدى. ناۋقاس ءقازىر جازىلىپ كەلەدى. اۋرۋعا كۇدىك بارىن 25 مامىردا حابارلاعان.
مايمىل شەشەگى - ادامدارعا جانۋارلاردان بەرىلەتىن، 1970 جىلدارى كونگو دەموكراتيالىق رەسپۋبليكاسىندا تىركەلگەن سيرەك كەزدەسەتىن ۆيرۋستىق زوونوزدى اۋرۋ. سيمپتومدارىنا باس اۋرۋى جانە تەرى بورتپەلەرى جاتادى. بورتپە بەتتەن باستالىپ، دەنەنىڭ قالعان بولىگىنە تارايدى.
ەسكە سالايىق، بۇعان دەيىن ددسۇ مايمىل شەشەگى اۋرۋىن تالقىلاۋ ءۇشىن ساراپشىلاردىڭ توتەنشە جينالىسىن شاقىرعان بولاتىن. سونىمەن قاتار ۇيىم وكىلى افريكادان تىس جەرلەردە مايمىل شەشەك ۆيرۋسىنا قارسى جاپپاي ۆاكسينا الۋدىڭ قاجەتى جوق دەپ سانايتىنىن جەتكىزگەن ەدى.
ددسۇ مالىمەتىنشە، الەمدە اۋرۋدىڭ 200-گە جۋىق راستالعان جاعدايى تىركەلگەن، ءبىراق ءىس جۇزىندە ولاردىڭ سانى ەداۋىر كوپ بولۋى مۇمكىن.