فيليپپيندە "ترامي" داۋىلىنان كوز جۇمعاندار سانى 81 ادامعا جەتتى، دەپ حابارلايدى aqshamnews.kz
ەل پرەزيدەنتى: "كوپتەگەن ايماق وقشاۋلانىپ قالدى، ولارعا جەتۋ قيىن، سوندىقتان مەرت بولعاندار كوپ بولۋى مۇمكىن"، – دەپ ەسكەرتتى.
"بۇل – ەل تاريحىنداعى ەڭ جويقىن تابيعي اپاتتىڭ ءبىرى"، – دەيدى ساراپشىلار. قۇتقارۋ ىسىنە پوليسيا مەن ءورت سوندىرۋشىلەر دە تارتىلعان. 1 كۇننىڭ ىشىندە جاۋىن-شاشىننىڭ 2 ايلىق مولشەرى ءتۇستى. داۋىل سوققان ايماقتاردا 4 ميلليون 200 مىڭنان استام ادام تۇرادى. جارتى ميلليون تۇرعىن باسقا اۋداندارعا كوشتى، 6400 ادام ۋاقىتشا پانالاۋ ورتالىقتارىنا ورنالاستى.
جالپى ەلدە جىل باسىنان بەرى 11 رەت قاتتى داۋىل سوقتى. جۇمادان بەرى مەكەمەلەر مەن مەكتەپتەر جابىق تۇر. ارالداردىڭ اراسىندا جۇرەتىن كەمە قاتىناسى دا توقتاتىلدى.
"بۇل ەل تاريحىنداعى ەڭ جويقىن تروپيكالىق داۋىل بولدى. بىرنەشە قالا زارداپ شەكتى. سۋ تاسقىنى مەن لاي كوشكىنى قۇتقارۋ جۇمىسىنا ۇلكەن كەدەرگى كەلتىرىپ جاتىر"، - دەيدى قۇتقارۋشى كەننەت لۋكاس.