ايتۋىنشا، ءوزى ءبىر كەزدەرى رەجيسسەرگە قاتىگەزدىك تانىتقان.
بەلگىلى پروديۋسەر بايان الاگوزوۆا تەاتر جانە كينو رەجيسسەرى تالعات تەمەنوۆتەن كەشىرىم سۇرادى، دەپ حابارلايدى aqshamnews.kz
پروديۋسەر دينا تولەپبەرگەنگە بەرگەن سۇحباتىندا ءوزىن بۇكىل قازاقستانعا ءبىر-اق كۇندە تالعات تەمەنوۆتىڭ تانىتقانىن مويىندادى.
مەن تالعات تەمەنوۆتەن كەشىرىم سۇراعىم كەلەدى. ول – كىشكەنتاي ورال قالاسىنان شىققان باياندى ءبىر كۇندە بۇكىل قازاقستانعا تانىمال جۇلدىزعا اينالدىرعان ادام. مەن «ماحاببات ستانسياسى» فيلمىنە ءتۇسىپ، بىردەن قازاقستانداعى ەڭ تانىمال قىزعا اينالدىم. سودان ءبىزدىڭ ارامىزدا تۇسىنبەۋشىلىك پايدا بولدى. ول ەكىنشى فيلم ءتۇسىرۋى كەرەك ەدى. سول كەزدە «مەن كينوعا ەندى تۇسكىم كەلمەيدى. ماعان ونسىز دا ءبارى ۇنايدى. ءسىز ماعان ەندى كەرەك ەمەسسىز» دەپ ايتتىم. ال نەگىزىندە ول – مەنىڭ العاشقى ۇستازىم. ماعان كوپ نارسە ۇيرەتتى. وسى مۇمكىندىكتى پايدالانىپ، تالعات تەمەنوۆتەن كەشىرىم سۇراعىم كەلەدى. سول كەزدە قاتىگەزدىك تانىتقانىم ءۇشىن كەشىرىم سۇرايمىن، – دەدى پروديۋسەر.