الماتىدا «ءبىرىڭعاي بەينەمونيتورينگ جۇيەسى» (ببج) جوباسىن جۇزەگە اسىرۋ جالعاسىپ كەلەدى. بۇل تۋرالى قالانىڭ سيفرلاندىرۋ باسقارماسى مەن الماتى اكىمدىگىنىڭ جوبالىق كەڭسەسى حابارلادى.
ببج جوباسىنىڭ نەگىزگى مىندەتى – قالاداعى بارلىق بەينەباقىلاۋ كامەرالارىن ءبىر پلاتفورماعا بىرىكتىرىپ، ءتۇرلى تاپسىرمالارعا ارنالعان بەينەاعىنداردى كوپ مارتە پايدالانۋ جانە ناقتى ۋاقىت رەجيمىندە بەينە تالداۋ قالىپتاستىرۋ.
بەينە تالداۋ ءتۇتىندى، وتتى، قالعان زاتتاردى، تابيعي جانە تەحنوگەندىك سيپاتتاعى توتەنشە وقيعالاردى، كيىمدى، جىنىستى جانە بەت-الپەتتى تانۋ جانە ت.ب. نەگىزىندە قالىپتاسادى.
- قازىرگى ۋاقىتتا 603 مەملەكەتتىك جانە 906 جەكە نىسان بەينەاعىندارىن ببج-عا قوسۋ جۇمىستارى جۇرگىزىلۋدە.
- بۇگىندە ءبىرىڭعاي بەينەمونيتورينگ جۇيەسىنە 45 مىڭ بەينەكامەرا قوسىلعان.
- بيىل ەكىنشى توقساندا «سەرگەك» زياتكەرلىك قاۋىپسىزدىك جۇيەسىنىڭ قوسىمشا 300 اپپاراتتىق-باعدارلامالىق كەشەنى ورناتىلدى.
ايتا كەتەيىك، قالادا 9034 بەينەكامەرادان تۇراتىن 1641 «سەرگەك» كەشەنى جۇمىس ىستەپ تۇر.