فەرمەرلەر جۇيەدەگى اقاۋلىق سالدارىنان سۋبسيديا الا الماي وتىر.
بۇل تۋرالى سەناتور ەۆگەنيي بولگەرت سەنات وتىرىسىندا مالىمدەدى، -دەپ حابارلايدى اlmaty-akshamy.kz BAQ.KZ-كە سىلتەمە جاساپ.
ايتۋىنشا، اۋىل شاراۋاشىلىعى سالاسىنىڭ ەڭبەككەرلەرى اقپاراتتىق جۇيەدەگى تەحنيكالىق اقاۋعا بايلانىستى سۋبسيديا الۋعا ءوتىنىش بەرە الماي وتىر. بەلگىلى بولعانداي، بيىل 1 قاڭتاردان باستاپ فەرمەرلەرگە سۋبسيديا الۋعا وتىنىمدەر بەرۋ جاڭا gosagro.kz اقپاراتتىق جۇيەسى ارقىلى جۇزەگە اساتىنىن ەسكە سالدى. ءبىراق ءقازىر اۋىل ەڭبەككەرلەرى جۇيەنىڭ دۇرىس جۇمىس ىستەمەۋىنە جانە وتىنىمدەرىن قابىلداماۋىنا بايلانىستى ءوتىنىم بەرە الماي كەلەدى.
اۋىل شارۋاشىلىعى تاۋارىن وندىرۋشىلەر جاڭا اقپاراتتىق جۇيەنىڭ دۇرىس جۇمىس ىستەمەۋىنە جانە تەحنيكالىق ىركىلىستەرگە بايلانىستى شاعىم ايتىپ وتىر. وندا ءبىرقاتار باعىتتار بويىنشا سۋبسيديا الۋعا وتىنىمدەر بەرۋگە مۇمكىندىك جوق. ماسەلەن، جۇيە سۋبسيديا الۋ ءۇشىن قاجەتتى بارلىق قۇجاتتىڭ جيىنتىعىن قابىلدامايدى. قۇنى 30 ملن تەڭگەدەن ءسال اساتىن جاڭبىرلاتقىش ماشينانى ساتىپ الۋ ءۇشىن سۋبسيدياعا ءوتىنىم بەرۋ كەزىندە جاڭا gosagro.kz جۇيەسى 46 ميلليارد تەڭگە سوماسىن ەسەپتەيدى. قولداۋ قىزمەتى مۇنداي قاتە وتىنىمدەر قابىلدانبايدى دەپ بىردەن جاۋاپ بەرەدى. ولار قاتەلەردى تۇزەتۋگە ۋادە بەرگەنىمەن ەشقانداي وزگەرىس جوق. جۇيەنىڭ قاتەلىكتەرىن شارۋالاردىڭ وزدەرى دە، ولاردىڭ ەسەپشىلەرى دە جەڭە المايدى. ق ر اشم كولل-ورتالىعى ءومىرى دۇرىس جاۋاپ بەرمەيدى، جاي عانا «دوپتى كەرى تەپكەندەي» باسقاعا سىلتەۋمەن اينالىسادى، - دەپ اتاپ ءوتتى سەناتور دەپۋتاتتىق ساۋالىندا.
سونىمەن قاتار ول كوكتەمگى ەگىس جۇمىسىنا دايىندىق كەزىندە، شارۋالارعا جانار-جاعارماي ماتەريالدارىنا، تىڭايتقىشتارعا، قوسالقى بولشەكتەرگە قارجى قاجەت بولعان كەزدە دە بولىپ جاتقانىنا الاڭداۋشىلىق ءبىلدىردى.
قازاقستان رەسپۋبليكاسىنىڭ ۇكىمەتى gosagro.kz اقپاراتتىق جۇيەسىنىڭ جۇمىسىنداعى تەحنيكالىق كەمشىلىكتەردى شۇعىل تۇردە جويۋدى قاجەت دەپ سانايمىز. تەحنيكالىق ىركىلىستەردى جەدەل جويۋ مۇمكىن بولماعان جاعدايدا، 2023 جىلعى ەگىس ناۋقانىنىڭ توقتاتۋعا جول بەرمەۋ ءۇشىن اۋىل شارۋاشىلىعى تاۋارىن وندىرۋشىلەر سۋبسيديا الۋعا ءوتىنىم بەرۋ ءۇشىن جاڭا gosagro.kz جۇيەسىمەن قاتار qoldau.kz پلاتفورماسىن پايدالانۋىنا ۋاقىتشا مۇمكىندىك جاساۋ كەرەك، - دەدى ەۆگەنيي بولگەرت.