جەر سىلكىنىسى كەزىندە الماتىنىڭ ەڭ ءقاۋىپسىز اۋدانى قايسى؟

ماماندار جويقىن جەر سىلكىنىسى بولعان جاعدايدا تۇرعىن ۇيلەردىڭ 30%-ى  قيراۋى مۇمكىن دەپ وتىر.

توتەنشە جاعدايلار جونىندەگى ۆيسە-مينيستر يبراگيم كۇلشىمبايەۆ الماتىداعى ىقتيمال جەر سىلكىنىسى كەزىندەگى ەڭ ءقاۋىپسىز اۋداندى اتادى، دەپ حابارلايدى Almaty-akshamy.kz7

"الماتى – رەسپۋبليكامىزدىڭ سەيسميكالىق ءقاۋىپتى ايماقتارىنىڭ ءبىرى. الماتى تەكتونيكالىق پليتالاردىڭ 27 ءقاۋىپتى جارىلۋ ايماعىندا ورنالاسقان. ولاردىڭ نەگىزگىلەرى - قالانىڭ تاۋلى ايماقتارى. بارىنشا ءقاۋىپسىزى – تۇركسىب اۋدانى، قالعاندارىنىڭ ءبارى – مەدەۋ، بوستاندىق اۋداندارى وپىرىلۋ ورىندارىندا ورنالاسقان، سوندىقتان ءقاۋىپ جوعارى"، - دەدى كۇلشىمبايەۆ.

ونىڭ ايتۋىنشا، 9 جانە ودان دا كوپ بالدىق جەر سىلكىنىسى بولعان جاعدايدا الماتىداعى تۇرعىن ۇيلەردىڭ 30 پايىزى زارداپ شەگەدى.

"قالانىڭ 60-70 پايىزى قيراي ما، مەن مۇنىمەن كەلىسە المايمىن. ءبىراق بولجام بويىنشا، 9 بالل جانە ودان جوعارى جويقىن جەر سىلكىنىسى بولعان جاعدايدا تۇرعىن ۇيلەردىڭ 30 پايىزىنا دەيىن قيراۋى مۇمكىن. تيىسىنشە، قانداي شىعىن بولاتىنىن قاراستىرۋ قاجەت"، - دەپ تۇيىندەدى ءسوزىن ۆيسە-مينيستر.