فەرمەرلەردىڭ اتىنان سۋبسيديا الىپ كەلگەن ادامدار توبى اشكەرەلەنىپ، قىلمىستىق ءىس تەرگەلىپ جاتىر، دەپ حابارلايدى Almaty-akshamy.kz قارجىلىق مونيتورينگ اگەنتتىگىنە (قما) سىلتەمە جاساپ.
قما جامبىل وبلىسى بويىنشا دەپارتامەنتى شارۋا قوجالىقتارىنىڭ رەكۆيزيتتەرى مەن قۇجاتتارىن پايدالانا وتىرىپ، تاۋاردى جەتكىزبەي، جۇمىستار مەن قىزمەتتەردى ورىنداماستان، شوت-فاكتۋرالار جازىپ بەرىپ كەلگەن ءبىرقاتار تۇلعاعا قاتىستى قىلمىستىق ءىستى تەرگەپ جاتىر.
«جالعان شوت-فاكتۋرالار سۋبسيديالاناتىن تاڭقۋراي تۇرلەرىن جەتكىزۋگە جازىلىپ كەلگەن. كەيىن شارۋا قوجالىقتارىن ەسكەرتپەستەن ولاردىڭ اتىنان سۋبسيديا الۋعا ەلەكتروندى ءوتىنىم بەرىلگەن.
تەكسەرۋلەر ناتيجەسىندە فەرمەرلەردە تاڭقۋراي ەگىس القاپتارى جوق بولىپ شىقتى. اتالعان تۇلعالار مەملەكەتتەن 800 ملن تەڭگەدەن استام سوماعا سۋبسيديا العان.
الاياقتىق فاكتىلەرى بويىنشا 4 قىلمىستىق ءىس تىركەلدى
ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى»، - دەلىنگەن ۇسىنىلعان حابارلامادا.
ەسكەرتىلىپ وتكەندەي، كونستيتۋسيانىڭ 77-بابىنا جانە قىلمىستىق ءىس جۇرگىزۋ كودەكسىنىڭ 19-بابىنا سايكەس، سوت ۇكىمى زاڭدى كۇشىنە ەنگەنگە دەيىن كۇدىكتى كىناسىز بولىپ ەسەپتەلەدى.