ءماجىلىس دەپۋتاتى رينات زايتوۆ باس پروكۋرورعا جانە ۇلتتىق قاۋىپسىزدىك كوميتەتىنىڭ ءتوراعاسىنا ارنايى سۇراۋ جولداپ، قازاقستانداعى ايەلدەر مەن لگبت قۇقىعىن قورعاۋمەن اينالىساتىن «فەمينيتا» ۇيىمىنىڭ قىزمەتىنە قارسى شىقتى، دەپ حابارلايدى aqshamnews.kz.
رينات زايتوۆتىڭ پىكىرىنشە، «فەمينيتا» قازاق حالقىنىڭ ار-نامىسىنا تىكەلەي نۇقسان كەلتىرىپ، جاستاردى تەرىس جولعا تۇسىرۋگە ىقپال ەتىپ وتىر.
«تاۋەلسىزدىك العان ساتتەن باستاپ، قازاقستان ءوز ەسىگىن ايقارا اشىپ، دوستار دا، دۇشپاندار دا كىرىپ كەلە باستادى. بۇل – جاسىرىن ەمەس. ءبىز دوستارىمىزدى تاپقانىنا، قانداستارىمىزدى ەلگە قايتارعانىنا قۋاندىق، ارينە. الايدا، ءبىزدىڭ دۇشپاندارىمىز ىشتەن ىرىتكى سالعىسى كەلىپ، وزدەرىنىڭ ارام پيعىلدارىن جۇزەگە اسىرۋدا. سونىڭ ءبىرى – لگبت قاۋىمداستىعى جانە “فەمينيتا” ۇيىمى. بۇل – الەمدىك دەڭگەيدە زۇلىمدىق جاسايتىن ءقاۋىپتى ۇيىم، ول ءبىزدىڭ جاستارىمىزدى قۇرتۋعا باعىتتالعان»، – دەپ مالىمدەدى دەپۋتات.
رينات زايتوۆ «فەمينيتانىڭ» ارەكەتتەرىن قوعامعا ءقاۋىپ توندىرەتىن ەكسترەميستىك ارەكەت رەتىندە قاراستىرىپ، ونى زاڭدىق تۇرعىدان توقتاتۋ قاجەتتىگىن ايتتى.