جالعان اقپارات جەلدەي ەسىپ ءجۇر
الەۋمەتتىك جەلىلەردە بيىل كوكتەمدە «سپۋتنيك-V» ۆاكسيناسىن العان ادامدار 1 قاڭتاردان باستاپ «جاسىل» مارتەبەسىن جوعالتادى دەگەن جالعان اقپارات تاراتىلۋدا، دەپ حابارلايدى Almaty-akshamy.kz
سانيتارلىق-ەپيدەميولوگيالىق باقىلاۋ كوميتەتى بۇل اقپاراتتى جوققا شىعاردى.
«قانداي ۆاكسينامەن ەگىلگەنىڭىزگە قاراماستان، Ashyq جۇيەسىندەگى «جاسىل» مارتەبە ەكىنشى كومپونەنتتى العان ساتتەن باستاپ ءبىر جىل بويى ساقتالادى. ياعني، ەگەر ۆاكسينانىڭ ەكىنشى دوزاسىن، مىسالى، 2021 جىلعى 30 ساۋىردە الساڭىز، وندا «جاسىل» ستاتۋس 2022 جىلعى 30 ساۋىرگە دەيىن ساقتالادى»، - دەپ ءتۇسىندىردى ۆەدومستۆونىڭ رەسمي وكىلى ەرجان بايتانايەۆ.
دەمەك، ۆاكسينالانعان ادامدار 2022 جىلدىڭ باسىندا Ashyq جۇيەسىندە «جاسىل» مارتەبەسىن جوعالتادى دەگەن اقپارات فەيك بولىپ تابىلادى.
بارشاڭىزدى تەك رەسمي اقپاراتقا عانا سەنۋگە شاقىرامىز! جاڭالىقتىڭ شىنايىلىعىن ءبىزدىڭ پورتالدىڭ كومەگىمەن تەكسەرۋگە بولادى.
ءوزىڭىزدى قىزىقتىرعان اقپاراتتى t.me/stopfake_kz Telegram-ارناسىنا نەمەسە +7 707 739 5599 WhatsApp نومىرىنە جىبەرىڭىز.